Hiermanija pieradaść Ukrainie rakiety-pierachopniki PAC-2 dla sistem Patriot
Hiermanija pieradaść Ukrainie rakiety-pierachopniki PAC-2 dla zienitnych rakietnych kompleksaŭ Patriot sa składoŭ Bundeśviera. Pra heta zajaviŭ ministr abarony Hiermanii Barys Pistoryus padčas pasiadžeńnia kantaktnaj hrupy pa padtrymcy Ukrainy ŭ farmacie «Ramštajn», paviedamlaje «Suśpilnie».
Pavodle słoŭ niamieckaha ministra, pastaŭki pavinny adbycca da pačatku zimovaha siezonu. Pistoryus adznačyŭ, što Rasija zajaŭlała pra namier uzmacnić ataki na ŭkrainskuju enierhietyčnuju infrastrukturu, tamu krainie nieabchodna dadatkovaja abarona ad pavietranych udaraŭ.
Barys Pistoryus taksama zaklikaŭ inšyja krainy-ŭdzielnicy hrupy pravieryć ułasnyja zapasy rakiet-pierachopnikaŭ i pa mahčymaści pieradać ich Ukrainie.
Akramia PAC-2, Hiermanija płanuje pavialičyć pastaŭki rakiet «pavietra — pavietra» AIM-9 sa składoŭ Bundeśviera. Bierlin taksama praciahnie pieradavać Ukrainie sistemy supraćpavietranaj abarony IRIS-T i rakiety da ich.
Pistoryus paviedamiŭ, što Ukraina płanuje dadatkova zakazać niekalki tysiač kiravanych rakiet IRIS-T. Finansavać zakupki miarkujecca za košt kredytu Jeŭrapiejskaha sajuza.
Raniej staršynia Jeŭrakamisii Ursuła fon der Lajen paviedamiła pra damoŭlenaść krain ES zabiaśpiečyć Ukrainu nieabchodnymi kampanientami dla sistem Patriot. Pavodle jaje słoŭ, čarhovy tranš u pamiery 3,2 miljarda jeŭra dazvolić Ukrainie bolš efiektyŭna abaraniać pavietranuju prastoru ad rasijskich atak.
Akramia taho, Jeŭrakamisija ŭchvaliła zajaŭku Ukrainy na zakupku rakiet dla Patriot za košt jeŭrapiejskaj pazyki na 90 miljardaŭ jeŭra. Ukraina zapytvała bolš za 2 miljardy jeŭra mienavita na nabyćcio hetych rakiet.
Viarchoŭnaja pradstaŭnica ES pa zamiežnych spravach Kaja Kałas raniej zaklikała krainy, jakija majuć rakiety-pierachopniki, pieradavać ich Ukrainie, u tym liku bojeprypasy, termin zachoŭvańnia jakich nieŭzabavie zakančvajecca.
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna2323
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna23
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha1414
Kamientary