Były palitviazień i adkavat Maksim Znak vypuściŭ klip na pieśniu «Majaki». U joj raskazvajecca pra ludziej-majakoŭ, jakija padtrymlivajuć inšych i dajuć nadzieju.
«Kali ŭžo rabić — dyk nie škadavać paśla!
Kali ŭžo być — dyk być jak majak!» — śpiavajecca ŭ prypievie.
U klipie Maksim Znak — u svajoj byłoj turemnaj robie.
«Hety klip — «Majaki» — rychtavaŭsia da vychadu razam z «Chodzikam», bo Ludzi-chodziki i Ludzi-majaki — heta ž dyłohija, heta dychatamija, na jakoj pabudavana mnostva vybitnych tvoraŭ suśvietnaj litaratury, dy i śviet naš taksama, — napisaŭ Maksim Znak u fejsbuku. —
Ale viersija klipa, źniataja ŭ Hdańsku — tam, dzie i mora, i majaki, i karabli, i sonca… — čamuści nie prajšła, čahości nie chapała. Moža, ciemry?
Potym źjaviłasia dumka, što, jak i ŭ «Chodzikach», treba vykarystać śviatło… Źjaviŭsia siužet, dziela jakoha daviałosia navat apranuć nienavisnuju vopratku, — usio tolki kab pakazać adnu historyju pra tych ź ludziej-majakoŭ, chto padtrymlivaŭ źniavolenych i jarkimi promniami prabivaŭsia praz usiu turemnuju šeraść i bieznadziejnaść».
Ciapier čytajuć
Stała viadomaje imia druhoj biełaruski, jakaja zhinuła pad sielem u Niepale. Heta 24‑hadovaja Iryna z žurfaka BDU6
Stała viadomaje imia druhoj biełaruski, jakaja zhinuła pad sielem u Niepale. Heta 24‑hadovaja Iryna z žurfaka BDU
Elektronnuju «Biełaruskuju encykłapiedyju», stvoranuju jak prastoru «vierahodnych viedaŭ pra Biełaruś», cicha likvidavali razam z redakcyjaj. Kupu artykułaŭ pieradali Hihinu66
Kamientary
I navat kali ŭ niejkaj śvietłaj budučyni tema źniknie z realnaści, jana zastaniecca aktualnaj: naprykład, z-za taho, što hramadstva nie adrefleksavała saviecki pieryjad i, bolš kankretna, represii, z-za taho, što nie byli zroblenyja praktyčnyja vysnovy, my zaraz majem i novy turemny pieryjad.