Na rasprodažach pradajecca ŭsio — ad adzieńnia, abutku i kaśmietyki da bytavoj techniki i avijabiletaŭ. Ale tolki niamnohija spažyŭcy viedajuć, što kuplajučy tavary na rasprodažach, aščadžaješ zusim nie tak šmat, jak padajecca.
Iluzornaja ekanomija
Na rasprodažach klijenty mohuć raźličvać nie tolki na pryvabnyja ceny, ale i na mnostva inšych akcyj, jakija kramy ładziać pastajanna. Naprykład, na načnych rasprodažach bolšaść praduktaŭ možna kupić za pałovu cany abo sa značnaj źnižkaj. Kramy achvotna pravodziać takija akcyi — z adnaho boku, heta dazvalaje pazbavicca ad zalažałaha tavaru, z druhoha — zarabić na vysokaj naviedvalnaści, pradstaŭlajučy zaadno novyja kalekcyi.
Handlovaja inśpiekcyja Polščy, vyvučyŭšy sposaby pramocyi, jakija vykarystoŭvajuć handlary, vyśvietliła, što čverć ź ich skiravanyja na toje, kab prosta chutka pradać tavar i pry mahčymaści zarabić na klijentach.
Pradaŭcy viedajuć šmat sposabaŭ prymusić klijenta zapłacić šmat hrošaj i vyjści z kramy z pačućciom, što jon i sam chacieŭ heta kupić.Najbolš časta pradaŭcy vykarystoŭvajuć nastupny pryjom: na rasprodažy jany infarmujuć pra 20-, 30-, 50- ci navat
Vielmi časta byvaje tak, što ŭładalniki kramaŭ abviaščajuć rasprodaž z pryčyny likvidacyi kramy. Takaja infarmacyja časam visić niekalki miesiacaŭ abo źjaŭlajecca ŭ adnoj i toj ža kramie niekalki razoŭ na hod.
Časta taksama da niejkaha praduktu na rasprodažach prykładajecca «padarunak». Rekłama kryčyć, što vy atrymlivajecie na 20% bolš šampuniu, soku, — ale mała chto z pakupnikoŭ adznačaje, što košt takoha praduktu vyšejšy za canu taho, dzie «padarunka» niama. «Biaspłatny» pradukt, što dadajecca da pradavanaha (kandycyjanier da šampunia, kilišak da butelki napoja, misačka da šmatkoŭ), biaspłatnym nie źjaŭlajecca, tamu što ŭ hetym vypadku cana taksama vyšejšaja. Pavodle Handlovaj inśpiekcyi, u bolš čym 9% vypadkaŭ tavar z «biaspłatnym» dadatkam daražejšy, čym bieź jaho.
Jašče adzin chitryk — multyŭpakoŭka. Kali pieraličyć canu, naprykład, kožnaj butelki vady ŭ adnoj upakoŭcy, atrymajecca, što toj ža tavar, kupleny asobna, nasamreč byŭ by tańniejšy. Najbolš niepryjemna byvaje, kali cana na kasie adroźnivajecca ad bačanaj na palicy. Heta zdarajecca davoli časta.
Ciapier čytajuć
Na mitynhu ŭ Vilni zatrymali pravakatara. A Cichanoŭski zajaviŭ pra namier dabivacca sustrečy ź Zialenskim34
Kamientary