«Твой дзень надыдзе». Фінскія фанаты на матчы са зборнай Беларусі разгарнулі антылукашэнкаўскі банер
29 верасня на Алімпійскім стадыёне ў Хельсінкі зборная Беларусі па футболе гуляе супраць зборнай Фінляндыі ў матчы Лігі нацый УЕФА. Заўзятары фінскай зборнай да гэтай гульні адмыслова падрыхтаваліся, піша «Трыбуна».
Пасля пачатку гульні на трыбунах з'явіўся вялікі банер з надпісам Sun päiväs koittaa, што можна перакласці з фінскай мовы як «Твой дзень надыдзе». Яго змест гаворыць сам за сябе.
Футбольная асацыяцыя Фінляндыі раней абвясціла, што ўвесь чысты прыбытак ад гульні будзе пералічаны арганізацыі «Украінцы ў Фінляндыі». Перад тым фіны ўвогуле хацелі правесці матч па-за межамі краіны, аднак урэшце адмовіліся ад такога рашэння.
Зрэшты, асаблівай цікавасці матч не выклікаў, на яго прадалі толькі 6500 квіткоў. Пры гэтым Алімпійскі стадыён можа змясціць 36 тысяч гледачоў.
Зборная Фінляндыі разміналася ў майках «Мы выступаем за мір». На трыбунах заўважылі адразу некалькі ўкраінскіх сцягоў, а на фан-сектары фінаў — таксама бел-чырвона-белы.
Дзяржаўны гімн Беларусі трыбуны сустрэлі свістам, а перад стартам гульні фанаты заспявалі «Пуцін — х****».
Цяпер чытаюць
У Магілёве на доме, які аддалі пад расійскае пасольства, замалявалі мурал з «Пагоняй». Хоць экспертыза забараняла гэта рабіць18
У Магілёве на доме, які аддалі пад расійскае пасольства, замалявалі мурал з «Пагоняй». Хоць экспертыза забараняла гэта рабіць
У Быхаве паставілі выродлівы помнік жанчыне. Разам са скульптурай у Касцюковічах ён можа стаць сімвалам культурнай дэградацыі Беларусі пры Лукашэнку6262
Каментары
[Зрэдагавана]