Klintan: ZŠA nikoli nie pahodzicca z akupacyjaj hruzinskich terytoryj
Klintan taksama adznačyła nieabchodnaść praciahu reformaŭ i zbližeńnia krainy ź Jeŭrasajuzam i NATO.
ZŠA nikoli nie pahodziacca z akupacyjaj Rasiejaj hruzinskich terytoryj — samaabvieščanych respublik Abchazii i Paŭdniovaj Asiecii.
Pra heta ŭ paniadziełak, 5 lipienia, zajaviła dziaržsakratar ZŠA Chiłary Klintan padčas vizitu ŭ Tbilisi. «Urad ZŠA i narod ZŠA zaŭsiody buduć stajać pobač z Hruzijaj, jak z krainaj‑partnioram», — zajaviła kiraŭnik amierykanskaj dypłamatyi na sustrečy z hruzinskimi žančynami.
Klintan taksama adznačyła nieabchodnaść praciahu reformaŭ i zbližeńnia krainy ź Jeŭrasajuzam i NATO. «Ja vieru ŭ patencyjał hetaj krainy, što jana moža słužyć demakratyi», padkreśliła dziaržsakratar, adznačyŭšy, što «revalucyja ružaŭ» «stała padziełam ŭ historyi Hruzii». Pa słovach Klintan, apošnija hady pakazvajuć, što «Hruzija stała adbyłasia krainaj».
Siońnia ž dziaržsakratar ZŠA praviadzie pieramovy z prezidentam Hruzii Michaiłam Saakašvili. U Tbilisi Klintan zaviaršaje svaju pajezdku pa krainach Uschodniaj Jeŭropy i Kaŭkaza, padčas jakoj jana naviedała taksama Ukrainu, Polšču, Azierbajdžan i Armieniju.
Nahadajem, raniej u Vašynhtonie zajaŭlali, što asnoŭnaje roznahałośsie, što isnuje ciapier pamiž ZŠA i Rasiejaj, tyčycca adnosiny da Hruzii.
Ciapier čytajuć
U Minsku budujuć novaje «Akreścina» ŭ hłuchoj pramzonie. A što budzie sa starym?7
Kamientary