30‑hadovy rasijski akcior Kuźma Saprykin padčas zdymak filma ŭ biełaruskaj stalicy ahresiŭna kryčaŭ na svaich kaleh — a tyja, u svaju čarhu, abvinavačvali jaho va «ŭžyvańni rečyvaŭ» i nieadekvatnym stanie, paviedamlaje telehram-kanał Baza.
Pavodle danych «Bazy», kanflikt sa zdymačnaj hrupaj pačaŭsia praz spaźnieńnie akciora na placoŭku i niemahčymaść adźniać nieabchodnyja ź im sceny. Na apublikavanym videa bačna, jak Saprykin hruba patrabavaŭ uziać jaho ŭ kadr i śćviardžaŭ, što pryčyna jaho zryvu zaklučajecca ŭ režysiorcy-pastanoŭščycy Valancinie Ułasavaj, pra jakuju jon vykazaŭsia: «Luby budzie abdziaŭbany tut, bł***».
Incydent adbyŭsia letam, ale, pavodle słoŭ udzielnikaŭ zdymačnaj hrupy, da akciora nijakich sankcyj užyta nie było, tamu situacyju vyrašyli zrabić publičnaj.
Kuźma Saprykin viadomy siarod inšaha rollu baskietbalista-biełarusa Ivana Jadzieški ŭ źniatym u 2017 hodzie filma «Ruch uharu» pra słavutuju pieramohu zbornaj SSSR pa baskietbole nad amierykancami na Alimpijskich hulniach 1972 hoda ŭ Miunchienie.
U Minsku adbylisia masavyja zatrymańni vydaŭcoŭ i kniharaspaŭsiudnikaŭ33
Kamientary