U Homielskim rajonie siamja z pasiołka Cahielnia šukaje źnikłaha paŭlina, jaki byŭ ich chatnim hadavancam. Pra źniknieńnie ekzatyčnaj dla Biełarusi ptuški paviedamiŭ jaje haspadar Andrej, piša Fishing.by.
Pavodle jaho słoŭ, apošni raz paŭlina bačyli ŭ lesie niedaloka ad pasiołka. Ciapier jon moža znachodzicca ŭ rajonie 104‑ha mikrarajona Homiela, u tym liku kala Paŭdniovaha i raźmieščanych pobač dačnych masivaŭ, a taksama kala viosak Kantakuzaŭka i Klimaŭka.
Haspadar padkreślivaje, što dla siamji paŭlin — nie prosta pryhožaja ptuška, a sapraŭdny člen siamji, jakoha jany vielmi čakajuć doma. Tych, chto viedaje niešta pra jaho miescaznachodžańnie, prosiać paviedamić haspadaru.
Kantakt haspadara možna atrymać pa zapycie. Za dapamohu ŭ adłovie paŭlina abiacajuć hrašovuju ŭznaharodu.
Kamientary