Heta budzie prykvieł pra łedzi Vajalet.
Piaty siezon «Brydžertonaŭ», u centry jakoha — ramantyčnaja historyja Frančeski i Mikaeły, užo znachodzicca ŭ vytvorčaści i vyjdzie na ekrany ŭ nastupnym hodzie. Ale heta daloka nie adziny prajekt u suśviecie sieryjała. Netflix abviaściŭ pra novy śpinof-prykvieł, pryśviečany łedzi Vajalet Brydžerton — maci siamji Brydžertonaŭ, piša Vogue.
U sieryjale «Karaleva Šarłota» my ŭžo bačyli junuju Vajalet Ledžer u vykanańni Koni Dženkins-Hryh, adnak novy sieryjał, vierahodna, pakaža nastupny etap jaje žyćcia — znajomstva z Edmundam, zakachanaść, šlub i pieršyja hady ich siamiejnaha žyćcia.
Paźniej muž i žonka stanuć baćkami vaśmiarych dziaciej, a ich šlub abarviecca praz zaŭčasnuju śmierć Edmunda.
Ciužet budzie zasnavany na apovieści Džulii Kuin Violet in Bloom, jakaja raspaviadaje historyju kachańnia Vajalet i Edmunda — ad pieršaj iskry da viasiella, miadovaha miesiaca i naradžeńnia dziaciej. Chto sioleta syhraje junuju Vajalet, pakul nieviadoma.
Ale Netflix, padobna, nie źbirajecca na hetym spyniacca. Raniej Tom Vieryka paćviardžaŭ, što ŭ raspracoŭcy znachodziacca i inšyja śpinofy. Pavodle jaho słoŭ, stvaralniki ŭžo abmiarkoŭvajuć novyja historyi, bo vialiki ansambl piersanažaŭ «Brydžertonaŭ» adkryvaje mnostva mahčymaściaŭ dla asobnych siužetnych linij.
Tamu całkam mahčyma, što napieradzie na nas čakajuć novyja pryhody maładoj łedzi Denbiery, asobnaja historyja łedzi Fiezierynhtan abo, čamu b i nie, samastojny sieryjał pra Kresidu Kaŭpier.
-
U Biełarusi pakažuć film pra kiraŭnicu Theranos, asudžanuju na 11 hadoŭ za bujnoje machlarstva. Film bje ŭsie mahčymyja rejtynhi
-
Šukajuć biełaruskich režysioraŭ, jakija chočuć pakazać svajo kino ŭ Jeŭropie i trapić na «Bierlinale»
-
Film Siarhieja Łaźnicy «Impieryum» atrymaŭ hałoŭnuju ŭznaharodu Łondanskaha kinafiestyvalu
Małodšy syn Sachaščyka abvieščany źnikłym bieź viestak. Vyhladaje, jon vajavaŭ za Rasiju88
Kamientary