Šukajuć biełaruskich režysioraŭ, jakija chočuć pakazać svajo kino ŭ Jeŭropie i trapić na «Bierlinale»
Biełaruskaja niezaležnaja kinaakademija (BIFA) zaprašaje biełaruskich kinatvorcaŭ, jakija šukajuć partnioraŭ u Jeŭropie, dasyłać prajekty ź mižnarodnym patencyjałam da ŭdziełu ŭ Jeŭrapiejskim kinarynku pry «Bierlinale’27».
Da razhladu prymajucca ihravyja, dakumientalnyja i animacyjnyja poŭnamietražnyja filmy na roznych stadyjach raspracoŭki.
Rychtavać aŭtaraŭ da Jeŭrapiejskaha kinarynku sioleta čarhovy raz buduć niezaležnaja kinaekśpiertka, kansultantka i tjutarka ź Finlandyi Leena Pasanen i italjanski pradziusar, režysior dy ekśpiert u halinie dakumientalnaha kino Stefana Tealdzi.
Da ŭdziełu zaprašajucca jak daśviedčanyja biełaruskija tvorcy, tak i debiutanty, jakija pracujuć pa-za sistemaj dziaržaŭnaj padtrymki Biełarusi. Adbirać prajekty buduć kinakrytyk Irena Kaciałovič i kinaznaŭca dy fiestyvalny arhanizatar Ihar Sukmanaŭ.
Padać zajaŭku možna da 27 kastryčnika 2026 hoda, zapoŭniŭšy admysłovuju formu pa-biełarusku i pa-anhlijsku.
Jeŭrapiejski kinarynak projdzie ŭ miežach 77‑ha Bierlinskaha mižnarodnaha kinafiestyvalu 10—16 lutaha 2027 hoda.
Ciapier čytajuć
Što viadoma pra 18‑hadovuju biaspraŭnicu Dzijanu, jakaja razam z dvuma siabrami raźbiłasia ŭnačy ŭ Vilejskim rajonie?8
Što viadoma pra 18‑hadovuju biaspraŭnicu Dzijanu, jakaja razam z dvuma siabrami raźbiłasia ŭnačy ŭ Vilejskim rajonie?
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek33
Kamientary