Шукаюць беларускіх рэжысёраў, якія хочуць паказаць сваё кіно ў Еўропе і трапіць на «Берлінале»
Беларуская незалежная кінаакадэмія (BIFA) запрашае беларускіх кінатворцаў, якія шукаюць партнёраў у Еўропе, дасылаць праекты з міжнародным патэнцыялам да ўдзелу ў Еўрапейскім кінарынку пры «Берлінале’27».
Да разгляду прымаюцца ігравыя, дакументальныя і анімацыйныя поўнаметражныя фільмы на розных стадыях распрацоўкі.
Рыхтаваць аўтараў да Еўрапейскага кінарынку сёлета чарговы раз будуць незалежная кінаэкспертка, кансультантка і т’ютарка з Фінляндыі Леэна Пасанэн і італьянскі прадзюсар, рэжысёр ды эксперт у галіне дакументальнага кіно Стэфана Тэальдзі.
Да ўдзелу запрашаюцца як дасведчаныя беларускія творцы, так і дэбютанты, якія працуюць па-за сістэмай дзяржаўнай падтрымкі Беларусі. Адбіраць праекты будуць кінакрытык Ірэна Кацяловіч і кіназнаўца ды фестывальны арганізатар Ігар Сукманаў.
Падаць заяўку можна да 27 кастрычніка 2026 года, запоўніўшы адмысловую форму па-беларуску і па-англійску.
Еўрапейскі кінарынак пройдзе ў межах 77‑га Берлінскага міжнароднага кінафестывалю 10—16 лютага 2027 года.
Святлана Ціханоўская пра крытыку з боку Ціханоўскага: Мне ад гэтага вельмі крыўдна і непрыемна40
Каментары