Tramp patelefanavaŭ Masku i paprasiŭ jaho źniać abmiežavańni Starlink dla Ukrainy
Prezident ZŠA Donald Tramp pravioŭ telefonnuju razmovu ź Iłanam Maskam i zaklikaŭ jaho skasavać abmiežavańni chutkaści pracy vajskovaj viersii spadarožnikavaj sistemy suviazi Starlink va Ukrainie. Pra heta paviedamlaje The Wall Street Journal sa spasyłkaj na amierykanskich čynoŭnikaŭ.
Pavodle surazmoŭcaŭ vydańnia, nieŭzabavie paśla razmovy 22 kastryčnika spadarožnikavaja suviaź pačała pracavać bolš stabilna. Ukrainskija čynoŭniki adznačyli, što sistema jašče nie adnaviła poŭnuju funkcyjanalnaść, ale chutkaść pieradačy danych užo stała vyšejšaj, čym pry ŭstanoŭlenym abmiežavańni.
Jak piša WSJ, Tramp byŭ niezadavoleny tym, što chutkaść pieradačy danych zaležała ad chutkaści ruchu drona i štučna značna źmianšałasia, kali jon lacieŭ chutčej za 160 km/h. Pavodle słoŭ vydańnia, heta pieraškadžała ŭkrainskim siłam abarony vykarystoŭvać udarnyja dalokabojnyja bieśpiłotniki i reaktyŭnyja drony-pierachopniki dla supraćdziejańnia rasijskim pavietranym atakam. Na hetym tydni kiraŭnik Biełaha doma paviedamiŭ svaim pamočnikam i sajuźnikam, što choča skasavać abmiežavańni servisu, jakim vajskoŭcy karystajucca na pieradavoj.
Vajskovy ekśpiert Fondu Karniehi Majkł Kofman zajaviŭ, što źniaćcie abmiežavańniaŭ moža istotna pašyryć mahčymaści Ukrainy nanosić udary na apieratyŭnuju hłybiniu i dapamahčy pavialičyć vykarystańnie reaktyŭnych dronaŭ-pierachopnikaŭ. Pavodle jaho słoŭ, padčas pieršych vyprabavańniaŭ ukrainskija padraździaleńni ŭžo adznačyli adnaŭleńnie stabilnaj pracy sietki.
Kampanija SpaceX, Iłan Mask i pasolstva Ukrainy ŭ Vašynhtonie pakul nie prakamientavali hetuju infarmacyju. U Biełym domie spasłalisia na niadaŭnija zajavy Trampa, u jakich jon admaŭlaŭ, što asabista zahadvaŭ zapavolić pracu Starlink abo viedaŭ, chto inicyjavaŭ uviadzieńnie abmiežavańniaŭ.
Rubia: Biez dapamohi ZŠA Ukrainy nie było b
Starshield dla Ukrainy zapavolili pa zahadzie Maska
Jeŭropa nie moža zamianić ZŠA ŭ zabieśpiačeńni Ukrainy spadarožnikavymi raźvieddanymi
Rubia: Ukraina nie maje dostupu da vajennaj spadarožnikavaj sistemy Starshield
Ideju zapavolić pracu Starlink va Ukrainie prapanavaŭ Trampu Mask — Telegraph
Ciapier čytajuć
KDB zapuściŭ novy bot u telehramie dla viarboŭki biełarusaŭ za miažoj. Prapanujuć rasklejvać ulotki, fatahrafavać abjekty i «niešta inšaje»7
Kamientary
[Zredahavana]
Vied́, summarno, tramp zabłokirovał starlink dla taktičieskich dronov v 120 kiłommietrovoj zonie ot linii fronta, čto pozvoliło russkim połučiť prieimuŝiestvo na linii soprikosnovienija. Ohraničiv pieriedaču dannych dla dronov-pieriechvatčikov snačała na skorosti drona v 60 km v čas, zatiem 100 km čas i ostanoviv etot priedieł na 160 km v čas, on połnosťju lišił vozmožnosti pieriechvata russkich, kryłatych rakiet, rieaktivnych dronov, dobavlajem błokirovku rańnieho prieduprieždienija o ballistikie i połučajem kovrovyje, bieznakazannyje udary russkich po enierhosistiemie Ukrainy, po žiłym kvartałam, bolnicam, dietsadam, torhovym cientram roźnicy, čto poivieło k 5 kratnomu rostu žiertv sriedi mirnoho nasielenija Ukrainy !
Amierikanskoje Pozoriŝie i Pośmiešiŝie zaihrałoś, vypołniaja rasporiažienija i prośby putina.