Rubia: Ukraina nie maje dostupu da vajennaj spadarožnikavaj sistemy Starshield
«Jany prasili dostupu dla jaho, kab nanosić hłybokija ŭdary ŭnutr Rasii».
Dziaržsakratar ZŠA Marka Rubia zajaviŭ, što Ukraina pakul nie atrymała dostup da amierykanskaj vajennaj spadarožnikavaj sistemy Starshield. Jaje, jak i Starlink, raspracoŭvaje kampanija Iłana Maska SpaceX.
«Starlink — heta kamiercyjny pradukt. I tamu jon rehulujecca i apracoŭvajecca jak kamiercyjny pradukt. Starshield — heta abaronny pradukt, vajenny pradukt», — skazaŭ Rubia presie.
«Ja viedaju, što Ukraina choča atrymać dostup da Starshield. Zaraz u ich niama Starshield. Jany prasili dostupu dla jaho, kab nanosić hłybokija ŭdary ŭnutr Rasii», — dadaŭ jon.
Što da Starlink, Rubia adznačyŭ, što Štaty nie abmiažoŭvali jaho chutkaść dla Ukrainy.
«Ja nie viedaju, jakaja ŭ ich [va Ukrainy] viersija, ale Bieły dom da hetaha nie maje nijakaha dačynieńnia. (…) Nichto ŭ Biełym domie nie zahadvaŭ nikomu zapavolvać internet abo źnižać chutkaść, kab peŭnyja drony nie mahli im karystacca. Ale, nakolki ja razumieju, jon znoŭ pracuje i funkcyjanuje».
Raniej daradca prezidenta Ukrainy pa abaronnych technałohijach Siarhiej Biaskrestnaŭ paviedamlaŭ pra abmiežavańni, jakija SpaceX uviała ŭ noč na 14 kastryčnika. Suviaź źnikała pry ruchu z chutkaściu zvyš 160 km/h. Z-za hetaha sarvaŭsia šerah apieracyj. Paśla praca Starlink pačała adnaŭlacca. Reuters sa spasyłkaj na svaje krynicy pisała, što zahad abmiežavać pracu spadarožnikavaj sistemy pastupaŭ ź Biełaha doma. Donald Tramp u svaju čarhu zajaviŭ, što Starlink Ukrainie adklučaŭ nie jon i naŭrad ci Mask.
Ciapier čytajuć
Biznesoviec rodam z Babrujska admovicca ad svajho hihanckaha aŭstralijskaha zarobku dziela šancu atrymać $35 miljonaŭ2
Kamientary