Valery Kazakoŭ: Treba iści ŭ Haahu, a nie viakać na telekanałach
Valery Kazakoŭ źjaŭlajecca adnym z najbolš upłyvovych biełarusaŭ u Rasii. Jon čynoŭnik, jaki pracuje ŭ Administracyi prezidenta Rasii.
Valery Kazakoŭ źjaŭlajecca adnym z najbolš upłyvovych biełarusaŭ u Rasii. Jon čynoŭnik, jaki pracuje ŭ Administracyi prezidenta Rasii, pamočnik paŭnamocnaha pradstaŭnika prezidenta Rasii ŭ Sibirskaj fiederalnaj akruzie. Sp.Kazakoŭ zhadziŭsia adkazać na niekalki pytańniaŭ adnosna biahučych biełaruska‑rasijskich dačynieńniaŭ.
«Naša Niva»: Hladzieli «Chrosnaha baćku» pa NTV? Jakoje ŭražańnie?
VK: Dyk ničoha novaha hetym filmam nie skazali.
«NN»: Dyk aficyjnamu Minsku nie kryŭdzicca za heta na Rasiju?
VK: Navošta? Kab tam była praŭda, a to… Kali jość kankretnyja dokazy ŭ spravie źnikłych, to treba iści ŭ Haahu, a nie viakać na telekanałach. Na žal, źnikli ludzi, ale patrebnaje daskanalnaje rasśledavańnie spravaŭ. Drenna, kaniečnie, što Dzimu [Zavadskaha — «NN»] nie znajšli… Film brudny nie tolki dla lidera Biełarusi, ale i dla Miadźviedzieva.
«NN»: Čamu?
VK: Bo kali telekanał moža abrazić adnaho prezidenta, to moža i inšaha. Ujavicie, kali padobny siužet źjavicca pra Abamu ci niekaha inšaha. Heta niedapuščalna. Palityka — heta vialikaja hulnia. Mahčyma, jak kazaŭ adzin amierykanski palitołah, šachmatnaja, ale jana musić vieścisia pa kankretnych praviłach.
«NN»: A niejki praciah hetaja infarmacyjnaja ataka na Łukašenku budzie mieć?
VK: Dumaju, nie. I rasijskaje kiraŭnictva, kali spatrebicca, to skaža, što nie bačyła hety film, ničoha pra jaho nie čuła. A NTV pryvatny telekanał, jaki naležyć «Hazpromu».
«NN»: Dyk jaki Vaš prahnoz?
VK: Ja dumaju, što ŭsio ŭlažacca ciaham niekalkich tydniaŭ. I hetaja «pahanka» zabudziecca. Mudraść biełaruskaha i rasijskaha kiraŭnictva — jana ž nie takaja paviarchoŭnaja, jak mnohim hetaha chaciełasia.
-
Cyhankoŭ: Babaryka značna bližejšy da pazicyi ofisa Śviatłany Cichanoŭskaj, čym da vykazvańniaŭ «babarykancaŭ»
-
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»
-
«Mnie kazali: ty havoryš jak kanadski emihrant». Siarhiej Šupa raskazaŭ pra Vilniu 90-ch, paraŭnańnie litoŭskaj litaratury ź biełaruskaj i adroźnieńni pamiž narodami
Ad pryvatnikaŭ patrabujuć zavieści ideołaha ŭ štacie — raspytali, što robiać kampanii18
Kamientary