Pamior roŭpdžampier, jaki sarvaŭsia miesiac tamu z vyški 40 mietraŭ pad Minskam
Miesiac jon znachodziŭsia ŭ reanimacyi.
U paniadziełak, 9 listapada, amal praź miesiac paśla niaŭdałaha testavaha skačka ŭ pramzonie Sosny, u reanimacyi balnicy chutkaj miedycynskaj dapamohi pamior roŭpdžampier S. Pra heta Onliner paviedamili jaho znajomyja, infarmacyju taksama paćvierdzili blizkija mužčyny.
Nahadajem, trahiedyja adbyłasia 10 kastryčnika padčas padrychtoŭki placoŭki da pryjomu klijentaŭ u pramzonie Sosny. S. vykonvaŭ testavy skačok z truby byłoj kacielni na adznacy ŭ 40 mietraŭ. U hety momant unizie znachodziłasia kala dvaccaci čałaviek — arhanizatary i klijenty, jakija zapisalisia na atrakcyjon.
Pa słovach vidavočcaŭ, chłopiec udaryŭsia ab ziamlu.
«Byŭ udar, i jaho na viaroŭkach adniesła nazad uvierch», — uspaminała padrabiaznaści taho dnia Nastaśsia. Pavodle jaje słoŭ, jaje siabar pavinien byŭ skakać trecim pa liku i brać toj samy ryštunak, jaki byŭ na S.
Daktary Balnicy chutkaj miedycynskaj dapamohi amal miesiac zmahalisia za žyćcio paciarpiełaha, aceńvajučy jaho stan jak vielmi ciažki.
— Pacyjent upaŭ, budučy pryviazanym da strachovačnaha trosa. Tros abarvaŭsia, ale pry hetym dapamoh trochi źmiakčyć padzieńnie. Pry pastupleńni mužčyna byŭ u prytomnaści, ale na fonie traŭmatyčnaha šoku i ciažkich paškodžańniaŭ u jaho raźviŭsia aciok hałaŭnoha mozha. Našy śpiecyjalisty dyjahnastavali najciažkuju traŭmu śpinnoha mozha, składanyja pierałomy hrudnoha i pajaśničnaha adździełaŭ pazvanočnika, — tłumačyŭ raniej zahadčyk adździaleńnia reanimacyi i intensiŭnaj terapii BCHMD Ivan Bartaševič.
Bolšuju častku času S. pravioŭ u stanie miedykamientoznaha snu.
— Jon niekalki razoŭ prychodziŭ u prytomnaść, ale nie moh dychać samastojna i pastajanna znachodziŭsia na aparacie ŠVŁ, — raskazaŭ jaho znajomy. — Naviedvalnikaŭ, nakolki ja viedaju, da jaho nie puskali.
Paśla incydentu ŭ Sosnach arhanizatary skačkoŭ abviaścili pra spynieńnie dziejnaści. Anałahičnyja papiaredžańni źjavilisia i na resursach inšych minskich kampanij, jakija akazvajuć padobnyja pasłuhi.
Heta ŭžo druhaja hibiel na dadzienym abjekcie. Dzieviać hadoŭ tamu, 19 červienia 2017 hoda, tut naśmierć raźbiŭsia 27‑hadovy žychar Salihorska. Chłopiec skakaŭ upieršyniu — z truby byłoj kacielni (z adznaki ŭ 70 mietraŭ) pa siertyfikacie, jaki atrymaŭ u padarunak na dzień naradžeńnia.
Ciapier čytajuć
Rasijanin miesiac lotaŭ pa Biełarusi na mašynie tak, što atrymaŭ bolš za 20 štrafaŭ na kruhłuju sumu7
Rasijanin miesiac lotaŭ pa Biełarusi na mašynie tak, što atrymaŭ bolš za 20 štrafaŭ na kruhłuju sumu
Mahiloŭ, Viciebsk i Homiel udałosia dałučyć da BSSR tolki tamu, što Maskva takim čynam chacieła spakusić Zachodniuju Biełaruś — apublikavanyja dakumienty6767
Kamientary