Biełaruś rychtujecca da budaŭnictva terminała zvadkavanaha hazu ŭ Litvie
Pracoŭnuju hrupu ŭznačaliŭ pieršy vice-premjer Siamaška.
Biełaruś pačała padrychtoŭku da budaŭnictva terminała zvadkavanaha pryrodnaha hazu na terytoryi Litvy. Z hetaj metaj stvorana biełaruskaja častka dvuchbakovaj biełaruska-litoŭskaj pracoŭnaj hrupy pa supracoŭnictvie ŭ pytańniach paliŭna-enierhietyčnaha kompleksu.
Jana zaćvierdžana rasparadžeńniem prem'
jer-ministra Biełarusi ad 13 lipienia 2010 h. № 90r, paviedamili ŭ aparacie Saŭmina.
Biełaruskuju častku pracoŭnaj hrupy ŭznačalvaje pieršy vice-premjer Uładzimir Siamaška. Namieśnikami kiraŭnika rabočaj hrupy pryznačany pieršy namieśnik ministra enierhietyki Eduard Taŭpianiec i namieśnik staršyni kancerna «Biełnaftachim» Uładzimir Voŭkaŭ. U skład hrupy taksama ŭvajšli pradstaŭniki Minekanomiki, Miniusta, Mintransa, Dziaržkammajomaści, AAT «Biełtranshaz», ZAT «Biełaruskaja naftavaja kampanija».
U adpaviednaści z rasparadžeńniem rabočaj hrupie da 1 listapada 2010 hoda va ŭstanoŭlenym paradku nieabchodna pradstavić prem'jer-ministru Biełarusi prapanovy, datyčnyja mahčymaści budaŭnictva terminała zvadkavanaha pryrodnaha hazu na terytoryi Litoŭskaj Respubliki dla pastavak hazu praź Litvu ŭ Biełaruś. Taksama treba padrychtavać prapanovy pa pastaŭkach nafty marskim šlacham praz terminały i terytoryju Litvy ŭ Biełaruś.
Jak paviedamlałasia, pieršy vice-premjer Biełarusi Uładzimir Siamaška 30 červienia ŭ parłamiencie zajaviŭ ab płanach Biełarusi budavać zavod pa vytvorčaści zvadkavanaha pryrodnaha hazu. Cana takoha hazu nižejšaja, čym pryrodnaha, adznačyŭ jon.
«A kali ŭličyć toje, što možna arhanizavać kropkavyja prodažy, to vykarystańnie takoha enierhanośbita budzie vielmi vyhadnym. U Jeŭropie siońnia možna kupić zvadkavany pryrodny haz pa canie $ 150 za 1 tys.kub.m.», — skazaŭ Uładzimir Siamaška.
U suviazi z hetym pastaŭlena zadača prapracoŭvać pytańnie i mahčymaści jaho rašeńnia ź bližejšymi
krainami-susiedziami, jakija taksama zaniepakojenyja dadzienaj problemoj.
Kamientary