Varta adznačyć, što Himpu naležyć da šerahu piersona non hrata dla Maskvy paśla taho, jak jon uvioŭ pamiatnuju datu Dzień savieckaj akupacyi.
V.a. kiraŭnika Małdovy Michaj Himpu i staršynia savieta respubliki nacyjanalnaha schodu Biełarusi Anatol Rubinaŭ sustrelisia ŭ Ženievie na sustrečy kiraŭnikoŭ parłamientaŭ śvietu.
Jak paviedamlajecca, Rubinaŭ i Himpu i abmianialisia dumkami pa sacyjalna-ekanamičnaj situacyi ŭ abiedźviuch krainach i rehijonie.
Zakranałasia tema realizacyi šerahu sumiesnych prajektaŭ, naładžvańnia partniorstva i stvareńnia małdaŭska-biełaruskich sumiesnych pradpryjemstvaŭ u metach zabieśpiačeńnia rynkaŭ zbytu dźviuch krain jakasnymi praduktami i pasłuhami. Himpu taksama padkreśliŭ važnaść raźvićcia supracoŭnictva ŭ intaresach hramadzian dźviuch dziaržaŭ. Jon zaklikaŭ Biełaruś ŭstalavać nieabchodnyja ekanamičnyja miechanizmy dla ekspartu małdaŭskich vinaŭ na biełaruski rynak. Michaj Himpu taksama paprasiŭ biełaruskija ŭłady akazać dapamohu ŭ pieraadoleńni nastupstvaŭ pavodak, što adbylisia ŭ Małdovie, u pieršuju čarhu ŭ budaŭnictvie žyłych damoŭ dla paciarpiełych.
Surazmoŭcy zakranuli i važnuju dla Małdovy prydniastroŭskuju prablemu, adznačyŭšy, što stabilnaść u rehijonie zaležyć ad dobrych adnosinaŭ pamiž susiednimi krainami -- Małdovaj, Ukrainaj i Biełaruśsiu. Rasieja da susiedziaŭ nie była adniesienaja.
Anatol Rubinaŭ zaprasiŭ Michaja Himpu ŭ bližejšy čas ažyćciavić aficyjny vizit u Minsk dla vyznačeńnia metaŭ dvuchbakovaha i rehijanalnaha supracoŭnictva.
Varta adznačyć, što Himpu naležyć da šerahu piersona non hrata dla Maskvy paśla taho, jak jon uvioŭ pamiatnuju datu Dzień savieckaj akupacyi. Himpu — lider Libieralnaj partyi Małdovy, što hurtuje pravyja, nacyjanalnyja siły ŭ krainie.
Takim čynam, uśled za vystupami Saakašvili i Zatlersa biełarusy zmohuć pačuć i hołas niezaležnaj Małdovy. Takija sihnały padaje Minsk Zachadu, na padtrymku jakoha ŭ kanflikcie z Rasijaj spadziajecca.
Cikava, što łukašenkaŭskaje ahienctva BIEŁTA pakul ničoha pra sustreču i zaprašeńnie Himpu nie paviedamlaje. Infarmacyja pra tieo pryjšła z małdaŭskich krynic.
Kamientary