Usio pra šmaravidły

Kab paźbiehnuć lišniaha ciercia ŭ adnosinach.

Šmaravidła. Jano zaŭsiody ŭ cieni inšych seks-prystasavańniaŭ i dapamožnych srodkaŭ dla luboščaŭ. Jano nie ŭvachodzić u śpis pieršaj seksualnaj nieabchodnaści razam z kantraceptyvami. I daremna. Hety aksesuar zdolny aphrejdzić vašyja połavyja stasunki i vyručyć vas u samych niavykrutnych vypadkach. Usio pra hiel-zmazku.

1. Šmaravidła — naša ŭsio. Jano pasuje dla ŭsich vidaŭ seksualnych zabavaŭ. A jašče dziela bolšaj dalikatnaści adčuvańniaŭ varta našmaravać cieła padčas seksualnaha masažu.

2. Štučnaje šmaravidła — taksama šmaravidła. Miesiačnica, pryhniečanaść, pryjom lekaŭ suprać alerhii — usio heta moža paŭpłyvać na adsutnaść vadkaści ŭ pochvie. Butelečka sa šmaravidłam moža chutka i lohka dać rady ciažkaściam, źviazanym z hetymi złybiedami.

3. Nie — alejnamu šmaravidłu! Nie karystajciesia samarobnymi šmaravidłami i šmaravidłami, zroblenymi na alejnaj asnovie. Alejnyja składniki mohuć paškodzić preziervatyŭ. Samarobnyja vyraby časam mohuć pamianiać uzrovień kisłotnaści ŭ pochvie i paspryjać hadavańniu škodnych bakteryjaŭ. Usio heta pryvodzić da niepažadanych zapaleńniaŭ. Pasłuhujciesia srodkami, raspracavanymi admysłova dla luboščaŭ.

4. Lepiej za ŭsio — šmaravidła na vadzianoj i silikonavaj asnovie. Šmaravidła ž na alejnaj asnovie prydatnaje tolki dla mužčynskaj masturbacyi.

Šmaravidła na vodnaj asnovie źmiaščaje hliceryn, jakaja prymušaje zmazku nie vyparacca. Darečy, halivudskija aktory čaściakom karystajucca štučnymi ślaźmi z hlicerynam. Važna dadać, što niekatoryja žančyny mohuć być adčuvalnymi da hetaha rečyva. Kali vaša šmaravidła na hlicerynie, dyk nie varta na padsochłaje šmaravidła lić novy słoj — dastatkova dadać krychu vady, i ślizkaść źjavicca znoŭ.

Šmaravidła na silikonavaj asnovie — doŭhatryvałaje i najlepšaje dla vykarystańnia razam z preziervatyvam.

Silikon nie ŭsmoktvajecca skuraj, a zastajecca na joj słojem dy nie sochnie. Što ž rabić, kali my nie chočam być bolš ślizkimi? Zmyvajem takoje šmaravidła haračaj vadoju ci vycirajem vilhotnaj anučaj. Varta pamiatać, što ŭ pochvie šmaravidła moža zastacca nadoŭha. Heta pryčyna niežadańnia niekatorych žančyn karystacca šmaravidłam na asnovie silikonu.

Jašče adna prablema silikonavaha šmaravidła. Jano nie pasuje dla hulniaŭ z cackami, zroblenymi ź silikonu. Chimičnyja reakcyi pamiž pavierchniaj cacki i šmaravidłam mohuć sapsavać seks-cacku, i jana stracić svaje pieravahi.

5. Chopić piajać chvału šmaravidłu! Kali-nikali sustrakajucca ludzi, jakija majuć alerhiju navat na samy jakasny pradukt. Tamu padčas karystańnia varta zvažać na adčuvalnaść i reakcyju arhanizmu.

P. S. Šmaravidła — darahoje. 150-mililitrovaja butelečka kaštuje jak najmieniej 20 tys.

P.P. S. Słova «šmaravidła» pachodzić ad dziejasłova «šmaravać», toje samaje što i «mazać», «zmazvać».

• 0
• 0
• 0
• 0
• 0
• 0
• 0
• 0