Praktyčna ŭsie apazicyjnyja pretendenty dali zhodu na ŭdzieł.
Praktyčna ŭsie apazicyjnyja pretendenty na pasadu prezidenta dali zhodu na ŭdzieł u kruhłym stale pa abmierkavańni dakumienta ab kaardynacyi dziejańniaŭ padčas prezidenckich vybaraŭ.Ab hetym paviedamiŭ Mikałaj Statkievič.
Kruhły stoł projdzie 18 žniŭnia ŭ zakrytym režymie. Palityki płanujuć abmierkavać mahčymaść sumiesnaha vyłučeńnia svaich pradstaŭnikoŭ u vybarčyja kamisii, udziełu ŭ nazirańni za vybarami, a taksama zakliku da vybarščykaŭ vyjści na vulicy ŭ vypadku falsifikacyi vynikaŭ vybaraŭ.
Statkievič zaznačyŭ, što ŭźnikli prablemy z pamiaškańniem, u jakim pavinna prajści sustreča. «U ofis hramadskaj arhanizacyi „Centr pa pravach čałavieka“, dzie na praciahu paŭhoda prachodzili pasiadžeńni pa abmierkavańni pytańnia vyłučeńnia adzinaha kandydata ŭ prezidenty ad apazicyi, mienavita zaŭtra pavinny pryjści vypraŭlać niejkija prablemy ź sihnalizacyjaj. Nie vyklučana, što heta ŭłady vyrašyli tak adreahavać na mahčymaść demakratyčnych sił dasiahnuć kampramisu pa ŭdziele ŭ vybarach. Tym nie mienš, kruhły stoł adbudziecca ŭ zapłanavany čas, ale ŭžo ŭ inšym miescy», — zajaviŭ palityk.
Nahadajem, rašeńnie ab praviadzieńni sieryi kruhłych stałoŭ pa pytańni vyłučeńnia adzinaha kandydata ad demsił na vybarach prezidenta było pryniata niekalki miesiacaŭ tamu Radaj biełaruskaj intelihiencyi. U pačatku žniŭnia rada vyrašyła zvuzić kolkaść pretendentaŭ na atrymańnie statusu adzinaha kandydata da piaci čałaviek: Siarhiej Kalakin, Alaksandr Kazulin, Uładzimir Niaklajeŭ, Jarasłaŭ Ramančuk, Andrej Sańnikaŭ.
U suviazi z hetym 11 žniŭnia apazicyjnyja palityki pryniali rašeńnie admovicca ad pasrednictva Rady biełaruskaj intelihiencyi, bo paličyli, što jana straciła niejtralitet u pytańni vyznačeńnia adzinaha kandydata.
Kamientary