Šef-redaktarka «Narodnaja voli» Śviatłana Kalinkina atrymała ananimny list z pahrozami. Raniej Kalinkina apublikavała artykuł, dzie vykłała svaje viersii śmierci žurnalista Aleha Biabienina.
«Hetuju paštoŭku mnie kinuli ŭ paštovuju skrynku ŭ niadzielu ŭ abied, — raskazała «NN» Śviatłana Kalinkina. — Tekst nabrany na niaklajeŭskich paštoŭkach na kamputary, roznymi šryftami». Pa słovach žurnalistki, paštoŭka pryjšła nie pa pošcie, jaje kinuli tak, nibyta pakazvajučy, što viedajuć, dzie jana žyvie.
Nieviadomyja napisali na paštoŭcy nastupnaje: «Kalinkina — pradažnaja miarzotnica. Havary praŭdu pra siabie. Žyvi i bojsia. Raspačataje palavańnie na zdradnikaŭ. Jašče adzin artykuł, i tabie p…c».
Ni chto jany, ni pra jaki artykuł havorka — u tekście z pahrozami ni słova. «Nasamreč, ja liču, što heta reakcyja na moj artykuł «Piatla», dzie ja ahučvaju peŭnyja viersii śmierci Aleha Biabienina. Publikacyja artykuła list z pahrozami vielmi padazrona supadajuć pa časie», — kaža S. Kalinkina. Jana nie bačyć vialikaha sensu źviartacca ŭ pravaachoŭnyja orhany, bo nie było jašče vypadku, kab takija spravy dachodzili da łahičnaha zaviaršeńnia. Naadvarot, možna jašče samomu trapić u historyju, jak, naprykład viciebskija žurnalisty, jakija prachodzili pa spravie listoŭ z pahrozami z boku RNIE.
Śviatłana Kalinikina bačyć peŭnuju łohiku ŭ tym, što pahrozy joj dasłali na paštoŭcy «Havary praŭdu». Nie tak daŭno jana napisała krytyčny artykuł na adras Uładzimira Niaklajeva, tamu ŭ apošnim zdareńni prahladajecca žadańnie zhulać na hetym kanflikcie pohladaŭ.
«Ja nie liču, što heta pahroza adrasavanaja kankretna mnie. Ciapier skłałasia vielmi napružanaja situacyja. Asabliva paśla tajamničaj śmierci Aleh Biabienina. Dumaju, heta ŭdar pa ŭsich nas. Kab zrabić situacyju jašče bolš napružanaj»,— miarkuje šef redaktar «Narodnaj voli».
Ciapier čytajuć
Hieroja telefonnych źlivaŭ pałkoŭnika Kisiala, jaki zaklikaŭ kalečyć demanstrantaŭ, raptoŭna apuścili na rajonny ŭzrovień10
Kamientary