Шэф-рэдактарка «Народная волі» Святлана Калінкіна атрымала ананімны ліст з пагрозамі. Раней Калінкіна апублікавала артыкул, дзе выклала свае версіі смерці журналіста Алега Бябеніна.
«Гэтую паштоўку мне кінулі ў паштовую скрынку ў нядзелю ў абед, — расказала «НН» Святлана Калінкіна. — Тэкст набраны на някляеўскіх паштоўках на кампутары, рознымі шрыфтамі». Па словах журналісткі, паштоўка прыйшла не па пошце, яе кінулі так, нібыта паказваючы, што ведаюць, дзе яна жыве.
Невядомыя напісалі на паштоўцы наступнае: «Калінкіна — прадажная мярзотніца. Гавары праўду пра сябе. Жыві і бойся. Распачатае паляванне на здраднікаў. Яшчэ адзін артыкул, і табе п…ц».
Ні хто яны, ні пра які артыкул гаворка — у тэксце з пагрозамі ні слова. «Насамрэч, я лічу, што гэта рэакцыя на мой артыкул «Пятля», дзе я агучваю пэўныя версіі смерці Алега Бябеніна. Публікацыя артыкула ліст з пагрозамі вельмі падазрона супадаюць па часе», — кажа С. Калінкіна. Яна не бачыць вялікага сэнсу звяртацца ў праваахоўныя органы, бо не было яшчэ выпадку, каб такія справы даходзілі да лагічнага завяршэння. Наадварот, можна яшчэ самому трапіць у гісторыю, як, напрыклад віцебскія журналісты, якія праходзілі па справе лістоў з пагрозамі з боку РНЕ.
Святлана Калінікіна бачыць пэўную логіку ў тым, што пагрозы ёй даслалі на паштоўцы «Гавары праўду». Не так даўно яна напісала крытычны артыкул на адрас Уладзіміра Някляева, таму ў апошнім здарэнні праглядаецца жаданне згуляць на гэтым канфлікце поглядаў.
«Я не лічу, што гэта пагроза адрасаваная канкрэтна мне. Цяпер склалася вельмі напружаная сітуацыя. Асабліва пасля таямнічай смерці Алег Бябеніна. Думаю, гэта ўдар па ўсіх нас. Каб зрабіць сітуацыю яшчэ больш напружанай»,— мяркуе шэф рэдактар «Народнай волі».
Цяпер чытаюць
«Мне хацелі кампенсаваць каля 10% ад кошту пагарэлага». Як беларускія прадаўцы на Вайлдберыз вырашаюць вогненныя праблемы6
«Мне хацелі кампенсаваць каля 10% ад кошту пагарэлага». Як беларускія прадаўцы на Вайлдберыз вырашаюць вогненныя праблемы
«Надзея Сцяпанаўна». Мікіта Найдзёнаў апублікаваў паэму, якая нарадзілася ў Жодзінскай турме. Такога паэтычнага эпасу ў беларускай паэзіі ХХІ стагоддзя яшчэ не было66
Каментары