Łukašenka: U vypadku źjaŭleńnia treciaha dziciaci ŭ siamji kvatera pavinna być harantavana

U Biełarusi nieabchodna ažyćciavić kompleks dziejsnych mier pa materyjalnaj i maralnaj padtrymcy siamji. Na hetym akcentavaŭ uvahu Alaksandr Łukašenka ŭ svaim vystupleńni 16 vieraśnia na šostym źjeździe Fiederacyi prafsajuzaŭ Biełarusi.

Jak paviedamlaje pres-słužba prezidenta, Łukašenka padkreśliŭ, što dziaržava «nikoli nie ekanomiła na siamji». Ab hetym havorać i fakty. U pryvatnaści, ciapier sistema dapamohi raspaŭsiudžvajecca prykładna na paŭmiljona dziaciej, amal 45 tys. dziaciej va ŭzroście da dvuch hadoŭ zabiaśpiečany biaspłatnym charčavańniem, adrasnuju dapamohu atrymlivajuć bolš za 19 tys. siemjaŭ ź dziećmi. «Nivodnaja dziaržava, navat najbahaciejšaja, nie moža sabie takoha dazvolić», — skazaŭ prezident.

Kiraŭnik dziaržavy padkreśliŭ, što ŭsio heta spryjała peŭnaj stabilizacyi demahrafičnaj situacyi. Ale, jak miarkuje Łukašenka, «supakojvacca rana i treba iści dalej».

Prezident ličyć nieabchodnym adkarektavać žyllovuju prahramu z ulikam taho, što ŭ krainie treba vyrašać demahrafičnuju prablemu. «Kali i dalej my nie budziem zabiaśpiečvać stanoŭčaha pryrostu nasielnictva, my jak dziaržava nie adbudziemsia, — skazaŭ Łukašenka. — 

Nam treba chacia b 30 młn. čałaviek, a my da 10 młn. nie daciahvajem. Što takoje 10 młn. na takuju terytoryju?».

«Sioje-toje pa hetym napramku ŭžo zroblena, ale hetaha niedastatkova. Treba bolš pryncypova padyści da vyrašeńnia hetaha pytańnia. Źjaŭlajecca ŭ siamji treciaje dzicia — voś kvatera. I, moža być, za 25% jaje koštu, a moža być, i biaspłatna», — skazaŭ prezident. Tolki ŭ vypadku naležnaha materyjalnaha stymulavańnia mahčyma vyrašyć hetuju prablemu, pierakanany kiraŭnik dziaržavy. Ciapier dla bolšaści biełaruskich siemjaŭ mieć dvaich dziaciej — norma, a voś advažycca na naradžeńnie treciaha dziciaci ŭžo ciažkavata, adznačyŭ jon.

«Dziaržava pavinna dapamahčy siemjam. Troje dziaciej u siamji — heta ŭžo istotny pryrost nasielnictva. A kali my skancentrujem resursy na akazańni dapamohi siamji pry naradžeńni čaćviortaha i piataha dziciaci, to heta dapamoža vyrašeńniu demahrafičnaj prablemy», — adznačyŭ Łukašenka.

Prezident zapatrabavaŭ taksama asablivuju ŭvahu nadać prablemie sacyjalnaha siroctva. Pavodle jaho słoŭ, za apošnija niekalki hadoŭ atrymałasia istotna palepšyć situacyju.

Kiraŭnik dziaržavy taksama skazaŭ, što važnaj zadačaj źjaŭlajecca pierasialeńnie dziaciej z damoŭ-internataŭ u dziciačyja damy siamiejnaha typu. U nastupnaj piacihodcy heta treba zaviaršyć, padkreśliŭ Łukašenka. Jon taksama adznačyŭ, što dziaržava budzie ŭsialak padtrymlivać takija dziciačyja damy.

Alaksiej Areška, BiełaPAN.

• 0
• 0
• 0
• 0
• 0
• 0
• 0
• 0