Velcom pryvatyzavany na 100%

Telekom Austria Group vykupiła astatnija 30% akcyj biełaruskaha apieratara sotavaj suviazi Velcom.

Jak paviedamili ŭ  pres-słužbie Velcom, u kastryčniku 2007 hoda Telekom Austria Group (TAG) nabyła 70% akcyj SB Telecom Limited, adnaasobnaha ŭłaśnika kampanii velcom, za 730 młn jeŭra. Hruntujučysia na zafiksavanym u dahavory ad kastryčnika 2007 hoda i vykananym 4 kastryčnika 2010 hoda apcyjonie, TAG nabudzie astatnija 30% akcyj, što naležali SB Telecom Limited, za 335 młn jeŭra, uklučajučy pracenty, na praciahu nastupnych dziesiaci dzion.

Hetaj tranzakcyjaj Telekom Austria Group zaviaršaje nabyćcio kampanii Velcom.

Svaje abaviazacielstvy TAG vykanaje z hrašovych srodkaŭ, jakija majucca ŭ jaje rasparadžeńni. Nijakich dadatkovych pazyčalnych srodkaŭ dla vykanańnia vyšejzhadanych płaciažoŭ pryciahvacca nie budzie, i, takim čynam, stan bałansu TAG pa vynikach 2010 hoda nie źmienicca. «Poŭnaje nabyćcio kampanii velcom padkreślivaje mocnuju zacikaŭlenaść z boku Telekom Austria Group u prysutnaści na rynkach Uschodniaj i Centralnaj Jeŭropy i značeńnie biełaruskaha pradpryjemstva dla ŭsiaho kancerna», — havorycca ŭ pres-relizie TAG, apublikavanym z nahody ździełki.

«Kampanija velcom značna vyjhraje ad uvachodžańnia ŭ skład Telekom Austria Group. Dziakujučy hetamu zapłanavanamu i łahičnamu kroku praciah vybranaj stratehii dziejnaści velcom harantavany. Paśla nabyćcia skład mieniedžmientu kampanii velcom i praŭleńnie dyrektaraŭ SB Telecom zastaniecca bieź źmienaŭ», — prakamientavaŭ ździełku Hielmut Duz, hałoŭny vykanaŭčy dyrektar SB Telecom Ltd. pa pytańniach ZP «Viełkom».

Pa acency Telekom Austria Group, biełaruski rynak značna ŭzros za košt praniknieńnia z 66% da 106% i praciahvaje raźvivacca pa šlachu libieralizacyi. Kampanija velcom paśla ŭvachodžańnia ŭ skład TAG u 2007 hodzie raźvivałasia sa stanoŭčaj dynamika: abanienckaja baza pavialičyłasia z 2,7 młn da 4,1 młn pa stanie na 30 červienia 2010 hoda. U sakaviku 2010 hoda velcom zapuściŭ u kamiercyjnuju ekspłuatacyju mabilny šyrokapałosny internet na asnovie HSPA/HSPA+.

U pres-relizie Telekom Austria Group padkreślivaje, što, razam z apieratyŭnymi pośpiechami i stanoŭčymi finansavymi vynikami dziejnaści kampanii ŭ rublovym vyličeńni, finansavy košt biełaruskaha aktyvu vyznačaŭsia pierš za ŭsio kursam biełaruskaha rubla, jaki ŭ 2009 hodzie ŭ siaredniehadavym značeńni straciŭ kala 24% u dačynieńni da jeŭra.

* * *

Kampanija Velcom była stvorana ŭ 1998 hodzie jak sumiesnaje biełaruska-kiprskaje pradpryjemstva «Mabilnaja ličbavaja suviaź». U kastryčniku 2007 hoda Telekom Austria Group abjaviła ab dasiahnieńni pahadnieńnia ab kupli 70% kiprskaj SB Telecom Ltd. Prykładna za 730 młn jeŭra. Pakupnikom vystupiła padraździaleńnie Telekom Austria pa mabilnaj suviazi — Mobilkom Austria. U mai 2008 hoda apieratar źmianiŭ nazvu na ZP «Viełkom».

• 0
• 0
• 0
• 0
• 0
• 0
• 0
• 0