Kandydat ad BNF Ryhor Kastusioŭ naviedaŭ pikiety pa zbory podpisaŭ u Maładziečnie i Vilejcy.
Kandydat ad BNF Ryhor Kastusioŭ naviedaŭ pikiety pa zbory podpisaŭ u Maładziečnie i Vilejcy.
U Maładziečnie pikiet, na jakim znachodziŭsia Ryhor Kastusioŭ, raźmiaščaŭsia kala ŭvachodu ŭ haradski rynak. Niahledziačy na budni dzień, ludziej było šmat.
Prysutnaść kandydata pryniesła vyniki: kolkaść sabranych podpisaŭ vyrasła, a vybarščyki dakranulisia da žyvoha pretendenta na hałoŭnuju pasadu ŭ krainie.
Dla bolšaści takaja asoba była samaj vysokaj, z kim atrymałasia sustrakacca pa žyćci.
Dla ich toj fakt, što čałaviek pryjechaŭ śpiecyjalna ź Minska, byŭ vielmi važnym.
Pahavaryć z Ryhoram Kastusiovym padychodzili ŭsie: i prychilniki Alaksandra Łukašenki, i jaho apanienty. I hałoŭnaje pytańnie ŭ ich było adnolkavym: «Jak budziecie mianiać situacyju?» Ale adkazy zadavalniali nie ŭsich. Adny hrebliva vykazvalisia pra kandydaty i apazicyju, inšyja abaraniali. I pačynalisia svarki.
Ništo tak nie dzielić, vidać, ludziej u Biełarusi, jak vybarčaja kampanija.
Navat siabroŭki-piensijanierki tut, u razmovie z kandydatam, zajmali supraćlehłyja pazicyi. Adna padpisvałasia, a druhaja ciahnuła jaje da siabie:
«BNFaviec?! A jon tabie treba?»
Chtości ź ludziej źviartaŭsia da kandydaty z pryvatnymi prablemami. Inšyja prasili nie abiacać usiakuju ŭsiačynu, a dać što-niebudź ciapier.
A kamuści dla poŭnaha ščaścia nie chapała «rubla», kab «palačycca».
«Eto s kakoj strany?», — pytalisia niekatoryja, hledziačy na bieł-čyrvona-biełyja ściahi.
Pikiet to napaŭniaŭsia ludźmi, to ŭ adnačaśsie puścieŭ. Ale nienadoŭha. Cikavaść da vybaraŭ jość. Tolki mała chto vieryć u pieramieny. Bolšaść užo ciapier viedaje imia pieramožcy.
Kali praca pikieta zakančvałasia, da zborščykaŭ podpisaŭ padyšoŭ milicyjant. Skazaŭ, što ściahami nielha karystacca. Maŭlaŭ, tak jamu paviedamili ŭ vybarčaj kamisii. Ale na siońnia ściahi ŭžo byli źniatyja. Zborščyki razychodzilisia. A jak budzie dalej, pakaža novy dzień.
U Vilejcy Ryhor Kastusioŭ byŭ paśla abiedu.
Tut usio prachodziła ścipła. Pikiet u centry horada, ale ludziej mała. Usie — na pracy. Dla nievialikaha rajonnaha horada, jak vyśvietliłasia, zborščykaŭ podpisaŭ akazałasia šmat. Praŭda, za roznych kandydataŭ. Prysutničali siabry inicyjatyŭnych hrup Ryhora Kastusiova, Jarasłava Ramančuka, Uładzimira Niaklajeva, Andreja Sańnikava, Juryja Hłušakova. Padychodziŭ i prychilnik Siarhieja Hajdukieviča. Ale jak tolki daviedaŭsia ab sychodzie svajho kandydaty z dystancyi, pačaŭ zvanić jamu na mabilnik.
Praŭda, tolki zborščyki podpisaŭ za Ryhora Kastusiova akazalisia najbolš arhanizavanymi — pastavili pikiet. Inšyja ścipła stajali z padpisnymi listami. Jakaja z taktyk pryniasie vyniki, stanie viadoma paźniej.
Naviedali pikiet i pradstaŭniki ź Vilejskaj vybarčaj kamisii.
Nijakich narakańniaŭ ź ich boku nie było. Pikiet pracuje pieršy dzień, tamu pryjšli pravieryć dakumienty dy i paznajomicca z kandydatam, jaki ŭ Vilejku ŭžo nie pryjedzie. Čakajuć inšyja harady.
Ciapier čytajuć
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy20
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary