Padatkaviki ŭ apošni momant adklikali pozvu.
U paniadziełak, 11 kastryčnika, u Haspadarčym sudzie Hrodzienskaj vobłaści mieła adbycca likvidacyja firmy «Pałonika» — ustanovy, źviazanaj ź niezaležnym Sajuzam palakaŭ Biełarusi.
Adnak u apošni momant inicyjatar likvidacyi — padatkovaja inśpiekcyja Hrodzienskaj vobłaści — admoviłasia ad pracedury.Niepasredna pierad pačatkam pracesu da sabraŭšychsia pierad budynkam suda aktyvistaŭ SPB i tych, chto pryjšoŭ ich padtrymać (ahułam kala sta čałaviek) vyjšaŭ staršynia Haspadarčaha suda Hrodzienskaj vobłaści i paviedamiŭ, što pozva adklikanaja, a sprava pieradadzienaja ŭ archiŭ.
Takoje rašeńnie było niečakanym, bo ŭ budynak suda ŭžo prajšoŭ budučy antykryzisny kiraŭnik «Pałoniki». Siabra Rady SPB, Andrej Pačobut, ličyć, što heta śviedčyć ab słabaści biełaruskich uładaŭ:
«Nas pryjšło padtrymać šmat ludziej, kala sotni. Pryčym siarod ich byli nie tolki siabry SPB, ale i ludzi Ramančuka, Sańnikava, siabry BNF. Było šmat žurnalistaŭ. Heta napałochała ŭłady.U ich nie atrymałasia pravieści spravu cicha i ŭłady adkrucili miechanizm nazad. Heta śviedčyć ab adsutnaści taktyki dziejańniaŭ u dačynieńni da SPB. Dla ich hetaj prablemy paprostu nie isnuje».
Razam z tym, štraf u $40 tys., nakładzieny na «Pałoniku» padatkovaj inśpiekcyjaj, zastajecca.
Nahadajem, što inicyjatarami likvidacyi firmy «Pałonika» vystupili hrodzienskija padatkaviki. Staršynia padatkovaj inśpiekcyi Leninskaha rajonu Hrodna źviarnuŭsia ŭ Haspadarčy sud vobłaści z prapanovaj raspačać spravu ab bankructvie firmy, jakaja dziejničaje pry nieaficyjnym SPB. Pa vynikach pravierki padatkovaja inśpiekcyja nakłała na «Pałoniku» štraf pamieram u $40 tysiač. Firma nie była ŭ stanie jaho spłacić.
Štraf byŭ pryznačany za toje, što firma atrymlivała dapamohu ad «Vspulnoty polskaj» na zaniatki polskaj movaj i na padvyšeńnie kvalifikacyi nastaŭnikaŭ, jakuju afarmlała jak haspadarčuju damovu. Sud paličyŭ, što dapamohu polskaj arhanizacyi varta było afarmlać jak humanitarnuju dapamohu.
Ciapier čytajuć
Miedyjny pres-sakratar MNS Vital Damboŭski pajšoŭ u psichołahi-seksołahi3
Kamientary