23 kastryčnika adbyłasia papiaredniaja (dla pradstaŭnikoŭ ŚMI) prezentacyja filmu polskaha režysera Mirasłava Dembińskaha «Uroki biełaruskaj movy. Moładź suprać Łukašenki». Prezentacyja dla šyrokaj hramady adbudziecca praź niekalki tydniaŭ.
23 kastryčnika adbyłasia papiaredniaja (dla pradstaŭnikoŭ ŚMI) prezentacyja filmu polskaha režysera Mirasłava Dembińskaha «Uroki biełaruskaj movy. Moładź suprać Łukašenki». Prezentacyja dla šyrokaj hramady adbudziecca praź niekalki tydniaŭ.
Film polskaha režysera pryśviečany padziejam u Biełarusi padčas apošniaj prezydenckaj vybarčaj kampanii. Jak havorycca ŭ videazvarocie, zapisanym samim režyseram, hałoŭny hieroj stužki — biełaruskaja moładź, jakaja była asnoŭnym ruchavikom viasnovych akcyjaj pratestu. U filmie raskazvajecca pra žyćcio vučniaŭ humanitarnaha liceju imia Jakuba Kołasa. Apovied viadziecca ad imia Franaka Viačorki, byłoha liceista. Takaja persanafikacyja, na dumku stvaralnika «Urokaŭ biełaruskaj movy», dazvalaje lepš zrazumieć astatniuju biełaruskuju moładź, što aktyŭna ŭdzielničaje ŭ biełaruskim palityčnym žyćci.
Mirasłaŭ Deńbinski viadomy eŭrapejskim hledačam, aprača ŭsiaho, svajoj stužkaj pra Pamarančavuju revalucyju va Ŭkrainie. Sakavickija padziei ŭ Miensku jon zdymaŭ pa častkach: na Dzień Voli zdoleli tarpić tolki dva supracoŭniki zdymačnaj hrupy, režysera nie prapuścili praź miažu i jamu daviałosia kiravać zdymkami praź Internet.
Nieŭzabavie film budzie pakazany ŭ Varšavie, Lajpcyhu, Amsterdamie, Maskvie. Stužku ŭžo zakupili telekanały Polščy, Niamieččyny, Estonii, Łatvii, Litvy.
Ciapier čytajuć
Advakat Kanavałava, rasstralanaha za terakt u mietro, upieršyniu raskazaŭ, što adbyvałasia padčas śledstva59
Kamientary