Kastynh u vajenkamatach

Vyvučeńnie i adbor hramadzian, jakija padlahajuć pryzyvu na terminovuju vajennuju słužbu, budzie ažyćciaŭlacca ŭ vajennych kamisaryjatach pradstaŭnikami voinskich čaściej Uzbrojenych sił, inšych vojskaŭ i voinskich farmiravańniaŭ z 24 listapada 2010 hoda pa 15 studzienia 2011 hoda.

Pra heta paviedamiła pres-słužba Ministerstva abarony Biełarusi.

Nahadajem, pryzyŭnaja kampanija pravodzicca ŭ adpaviednaści z ukazam prezidenta ad 12 kastryčnika № 529 «Ab zvalnieńni ŭ zapas vajennasłužačych terminovaj vajennaj słužby, jakija vysłužyli ŭstanoŭlenyja terminy vajennaj słužby pa pryzyvie, i pryzyvie hramadzian na terminovuju vajennuju słužbu ŭ kastryčniku — śniežni 2010 h. i studzieni 2011 h."

Padčas pryzyŭnoj kampanii dla prachodžańnia terminovaj vajennaj słužby na pasadach sałdat i siaržantaŭ płanujecca pryzvać kala dziesiaci tysiač čałaviek.

Na terminovuju vajennuju słužbu buduć pryzvanyja hramadzianie Biełarusi mužčynskaha połu, jakim da dnia pryzyvu spoŭniłasia 18 hadoŭ i jakija nie majuć prava na adterminoŭku ad pryzyvu, a taksama hramadzianie pryzyŭnoha ŭzrostu, jakija stracili prava na adterminoŭku.

Maładoje papaŭnieńnie pavinna być adpraŭlena va Uzbrojenyja siły, inšyja vojski i voinskija farmiravańni krainy da 1 lutaha 2011 hoda.

Ukazam prezidenta vyznačana, što paciarpiełyja ad nastupstvaŭ katastrofy na Čarnobylskaj AES hramadzianie, pryzvanyja na terminovuju vajennuju słužbu, nakiroŭvajucca ŭ voinskija čaści i farmiravańni, jakija nie znachodziacca na radyjeaktyŭna zabrudžanych terytoryjach, i pryznačajucca na voinskija pasady, nie źviazanyja z rabotami pa ekspłuatacyi krynic ijanizujučaha vypramieńvańnia, zvyšvysokich častot i rabotami z kampanientami rakietnaha paliva.

Biełaruskaj čyhuncy daručana zabiaśpiečyć pa zajaŭkach Ministerstva abarony, inšych dziaržorhanaŭ, u jakich praduhledžana vajennaja słužba, pieravozku vajennasłužačych terminovaj vajennaj słužby, jakija vysłužyli ŭstanoŭlenyja terminy vajennaj słužby pa pryzyvie, i hramadzian, pryzvanych na terminovuju vajennuju słužbu; vajennym kamisaram na padstavie adpaviednych rašeńniaŭ rajonnych (haradskich) pryzyŭnych kamisij — nakiroŭvać u orhany prakuratury materyjały na hramadzian, jakija ŭchililisia ad pryzyvu na terminovuju vajennuju słužbu, dla pryciahnieńnie ich da adkaznaści.

Infarmacyja ab vynikach pryzyvu pavinna być pradstaŭlena ŭradam prezidentu da 20 sakavika 2011 hoda.

• 0
• 0
• 0
• 0
• 0
• 0
• 0
• 0