Nie paśpieli kastusioŭcy jak śled razharnucca, a paŭkiłamietrovaja čarha ŭžo i rassmaktałasia.
Nie paśpieli kastusioŭcy jak śled razharnucca, a paŭkiłamietrovaja čarha ŭžo i rassmaktałasia.
Tradycyjnaja dla vychodnych paŭkiłamietrovaja čarha pierad punktam propusku źnikła ciaham dvaccaci chvilin paśla taho, jak siarod kiroŭcaŭ pačali źbirać podpisy za vyłučeńnie kandydata ad partyi BNF Ryhora Kastusiova.
«Uvaha z boku pamiežnikaŭ źjaviłasia adrazu ž, kali my pačali źbirać podpisy», — kaža adzin ź siabroŭ inicyjatyŭnaj hrupy Viktar Klimus. — «Spačatku nam prapanoŭvali adyjści da placoŭki dzie mieściacca kafe i banki — dzieści za kiłamietr ad šłahbaŭma. Tłumačyli spačatku, što heta pamiežnaja zona, paśla, što mašyny ruchajucca i znachodzicca na darozie niebiaśpiečna. A tam nibyta nam budzie ŭtulna i choraša. My admovilisia, bo paličyli zbor u tym miescy mienš efiektyŭnym, a zakonnych pryčynaŭ zabaranić nam pracavać tut nie znajšłosia. Paśla užo inšy aficer, zdajecca major, patłumačyŭ pryčynu pravierki dakumientaŭ tym, što my znachodzimsia ŭ pamiežnaj zonie».
Pa słovach udzielnikaŭ, vynikovaść zboru była vielmi dobraja: prykładna za 10 chvilin kožny ź ich paśpieŭ padpisać nie mienš za 11—15 čałaviek.
Adnak natchnieńnie na dobruju pracu napatkała nie tolki čalcoŭ kamandy Kastusiova. Na ŭjeździe na pamiežny pierachod zapaliŭsia zialony sihnał, jaki nie zhasaŭ, pakul apošniaja mašyna z čarhi nie źnikła za šłahbaŭmam.
«Mohuć ža pracavać, kali zachočuć», — žartavali siabry inicyjatyŭnaj hrupy. — «Kankurencyja va ŭładzie sapraŭdy prymušaje čynoŭnikaŭ varušycca».
Škada tolki, što hetaj kankurencyi ŭ Biełarusi nastolki mała, što chapaje na ličanyja vypadki, a daloka nie na kožny dzień.
Džon Koŭł pryjedzie ŭ Biełaruś 15 vieraśnia. Łukašenka, adnak papiaredziŭ: «vialikaj ździełki» nie budzie10
Kamientary