Lider biełaruskaj apazycyi Alaksandar Milinkievič staŭ laŭreatam uznaharody Eŭraparlamentu – premii imia Sacharava za 2006 h. Hrašovy vymier premii składaje 50 000 eŭra.
Lider biełaruskaj apazycyi Alaksandar Milinkievič staŭ laŭreatam uznaharody Eŭraparlamentu – premii imia Sacharava za 2006 h. Pra heta viadziecca ŭ pres-relizie deputataŭ.
Sp.Milinkievič byŭ supiernikam Alaksandra Łukašenki na prezydenckich vybarach u Biełarusi, što adbylisia ŭ sakaviku. Jaho aryštavali na 15 sutak za pratesty proci aficyjnych vynikaŭ vybaraŭ.
Cyrymonija ŭručeńnia premii «Za svabodu dumki» maje adbycca na plenarnaj sesii Eŭraparlamentu ŭ śniežni ŭ Strasburhu. Naminantami premii taksama byli kolišniaja kandydatka ŭ prezydenty Kalumbii Inhryd Betankur, jakaja ŭžo piaty hod znachodzicca ŭ zakładnikach u kalumbijskich paŭstancaŭ, i libanski žurnalist i dyplamat Hasan Tujeni.
Premija imia Sacharava «Za svabodu dumki» była ŭstanoŭlena Eŭraparlamentam u 1988 h. i prysudžajecca štohod za «dasiahnieńni ŭ spravie abarony pravoŭ čałavieka i jahonych asnoŭnych svabod, a taksama za pavahu da mižnarodnaha zakanadaŭstva i raźvićcio demakratyi».
Pavodle www.gazeta.ru
Hrašovy vymier premii składaje 50 000 eŭra. Premija, akramia inšaha, zabiaśpiečyć finansavuju niezaležnaść lidera Svabodnaj Biełarusi.
?
«Naša Niva» pieršaj paviedamiła Alaksandru Milinkieviču pra ŭznaharodu:
A.M.: U pieršuju čarhu treba padkreślić, što heta znak padtrymki nie Milinkieviču, a hramadzianskaj supolnaści, što prademanstravała svaju moc i imknieńnie da svabody ŭviesnu, niahledziačy na šmatlikija represii i ŭcisk.
Byŭ momant, kali pačali havaryć, što hublajecca ŭvaha da Biełarusi z boku Eŭropy i astatniaha śvietu. Heta nia tak! Hetaj uznaharodaj Eŭropa paćvierdziła svaju cikavaść da Biełarusi.
Jość mierkavańnie, što EZ vyznaje prahmatyčnuju palityku. Heta taksama nie zusim słušna, bo ŭ dadzienym vypadku jon prahałasavaŭ za maralnuju i demakratyčnuju palityku. Heta značyć, što Eŭropa pa-raniejšamu čakaje nas, ale jak demakratyčnuju dziaržavu.
Vielmi dziakujem eŭrapiejcam za ichniuju ŭvahu da Biełarusi.
Kamientary