Były deputat Viarchoŭnaha Savieta ŭłasnaručna sabraŭ za Jarasłava Ramančuka 2 655 podpisaŭ.
Były deputat Viarchoŭnaha Savieta 13-ha sklikańnia Pavieł Znaviec ułasnaručna sabraŭ za Jarasłava Ramančuka 2 655 podpisaŭ. Jaho štodzionna možna było pabačyć u pikietach la Kamaroŭki.
«Naša Niva»: Jak ludzi reahavali na Vašy pikiety?
Pavieł Znaviec: Dobra. Za Jarasłava asabliva dobra raśpisvalisia. Uvohule ludzi, što chočuć źmienaŭ u krainie, raśpisvalisia najlepš za trojku kandydataŭ: Ramančuka, Sańnikava i Niaklajeva. Za paeta ŭ apošniuju čarhu, bo ludzi nie ŭpeŭnienyja, što tvorčy čałaviek zdolny jakasna kiravać krainaj. Za Sańnikava maładyja raśpisvacca nie vielmi chacieli. Zborščykaŭ za Ciareščanku ŭvohule nie bačyŭ. U Minsku niakiepska raśpisvalisia za Kastusiova. Nu, jość u ich peŭnaja elektaralnaja baza. Tysiač 15 mahli sabrać, ale pa rehijonach im było b značna ciažej.
«NN»: Dyk barjer u sto tysiač niechta moh pieraadoleć?
PZ: Dumaju, što jakraz Ramančuk i Niaklajeŭ i pieraadoleli. Nie viedaju, jak tam u Sańnikava, bo, kažuć, što ŭ rehijonach značna horš. Častka ž naźbirała ŭ rajonie 10 tysiač. Spadziajusia, što ŭ chryścijanskich demakrataŭ chopić sumleńnia nie pisać, što jany sabrali nieabchodnuju kolkaść.
A chto taki Michalevič? Čamu ludzi pavinny raśpisvacca za jaho?
Heta samapijarščyki. Ciapier važna, kab Centrvybarkam zarehistravaŭ tych, chto sapraŭdy sabraŭ. Kali zarehistruje ŭsich, to heta budzie haniebna.
«NN»: A ŭ čym pryvabnaść Ramančuka dla ludziej?
PZ: Ekanamist, małady, razumny. Prykładna taho samaha ŭzroŭniu, što Miadźviedzieŭ u Rasii. Najaŭnaść ekanamičnaj prahramy była ci nie najbolš vyrašalnym čyńnikam. Liču, što nie pamyliŭsia z kandydatam.
«NN»: Na minułych ci na hetych vybarach padpisvalisia lepš?
PZ: Na minułych vybarach ja pracavaŭ u toj samaj kamandzie. Tolki tady nas było piatnaccać čałaviek, a zaraz trynaccać. Dyk u 2006 hodzie sabrali 5,5 tysiačy za Kazulina, a ciapier — užo 7 tysiač. Nieasprečna, što padpisvalisia ciapier lepš. Ale ž i nadvorje było sioleta spryjalnaje.
«NN»: A jak za Łukašenku padpisvalisia?
PZ: Byli niejkija ludzi. Nie viedaju, pakazušnyja ci nie.
Ale padpisvałasia ŭ razy 34 mieniej, čym za surjoznych kandydataŭ.
«NN»: Kolki hadzin za sutki stajali ŭ pikietach, što atrymałasia vyjści na taki rekordny pakazčyk?
PZ: Pa dziesiać hadzin. Na miažy fizičnych siłaŭ. Sa mnoj pracavaŭ taki Źmicier Kamar. Jon sabraŭ 2300 podpisaŭ. Časta davodziłasia stajać pry mocnym vietry... Nu, usio narmalna.
«NN»: Jakaja pierśpiektyva ŭ Ramančuka?
PZ: Pry narmalnym vybary, kali jość teledebaty, možna było b raźličvać na pieramohu. Dumaju, što ŭrešcie, kali buduć zarehistravanyja Ramančuk i Niaklajeŭ, to jany pavinny źniacca, kab Łukašenka zastaŭsia ŭ hordaj adzinocie. Ale heta paśla rehistracyi, ciapier jašče čas pracavać.
-
Staś Karpaŭ: Ja zaŭvažyŭ try Maryi
-
«Źviažyciesia z nami»: Prakopjeŭ napisaŭ kałonku dla «NN», u jakoj abhruntoŭvaje znachodžańnie Cichanoŭskaha ŭ Štatach i prosić hrošaj
-
«Ja tolki nie razumieju, dla kaho pabudavali AES?» Daŭno nijakaja tema nie vyklikała takich emocyj, jak adklučeńnie śviatła na zahad Łukašenki
Kamientary