«Ziuddojče cajtunh»: Sikorskamu i Vestervele nie spadabaŭsia śpiektakl Łukašenki

Pierad prezidenckimi vybarami biełaruski kiraŭnik, prymajučy ŭ Minsku emisaraŭ ź Jeŭropy, sprabuje ŭdavać demakrata. Svaju mimiku Łukašenka trymaje pad kantrolem, ale, pa sutnaści, jon užo nie moža siabie kantralavać.

Alaksandr Łukašenka adkidvajecca nazad, šyroka razvodziačy ruki. Na jaho tvary pad vusami źjaŭlajecca šyrokaja ŭśmieška. Prezident skončyŭ havaryć, i jon vidavočna ličyć, što ŭsie istotnaje ŭžo skazana. Sprava ad Łukašenki siadzić niamiecki ministr zamiežnych spraŭ Hida Viestervele, a jaho polski kaleha Radasłaŭ Sikorski raźmiaściŭsia źleva ad jaho.

Łukašenka prainfarmavaŭ abodvuch ab tym, što moža prapanavać jaho kraina.

Jon taksama paviedamiŭ, što prezidenckija vybary, pryznačanyja na 19 śniežnia, zusim peŭna buduć demakratyčnymi.

«Vy nie pavinny łavić mianie na słovie, — pavučaje jon palaka. — Kali ŭ vas niepieraduziataje staŭleńnie, to vy viedajecie, što heta buduć demakratyčnyja vybary».

«Našmat lepšyja, — adkazvaje jon sałodkim jak pataka hołasam. — Kali chočacie».

«Zrazumiejcie, — źviartajecca da svaich haściej Łukašenka, — lehitymnaść dla nas važniejšaja, čym dla kaho b tam ni było na płaniecie».

Viestervele i Sikorski nie pieršyja i nie apošnija emisary Zachadu, jakija imknucca ŭšanavać Minsk svajoj prysutnaściu. Niadaŭna tut była z aficyjnym vizitam prezident susiedniaj Litvy Dala Hrybaŭskajcie, a taksama kamisar Jeŭrasajuza pa pašyreńni Štefan Fiule. Na hetym tydni kiraŭnik kancylaryi fiederalnaha kanclera Ronald Pofała pryjazdžaje ŭ krainu, jakaja ŭ minułyja hady była bolš viadomaja jak «apošniaja dyktatura Jeŭropy».

Ułasna, adnosiny byli zrazumiełyja, i tak praciahvałasia dziesiacihodździe. Zachad nie chacieŭ mieć spravaŭ ź biełaruskim paryjaj, jaki taptaŭ demakratyju i pravy čałavieka. Zatoje były dyrektar saŭhasa moh raźličvać na brackuju padtrymku Rasii. Usio heta ciapier u minułym. Kali raniej Łukašenka rezka vystupaŭ suprać amierykancaŭ, to ciapier jon łaje rasijskaje kiraŭnictva. Adnosiny z Pucinym i Miadźviedzievym «drennyja i, moža być, navat jašče horš», — paskardziŭsia jon niadaŭna. Niespraviadliva, jak jon ličyć, zvolnienamu byłomu meru Maskvy Łužkovu jon hatovy dać prytułak. Rasijski prezident hnieŭna na heta adreahavaŭ. Jon vystupiŭ suprać «isteryčnych abvinavačańniaŭ» z boku biełaruskaha prezidenta i pastaviŭ pad sumnieŭ najaŭnaść u jaho «elemientarnaj čałaviečaj prystojnaści». Rasijskija srodki masavaj infarmacyi apošnim časam aktyŭna zajmajucca dušeŭnym zdaroŭjem biełaruskaha lidara.

Hrošy ŭnieśli raskoł u, zdavalisia b, takija ciesnymi adnosiny. Doŭhi čas Łukašenka karystaŭsia tannymi pastaŭkami enierhanośbitaŭ z Rasii i takim čynam finansavaŭ svoj nievialiki ekanamičny bum. Z sastupkami ŭ halinie koštaŭ ciapier skončana, i Łukašenka šukaje sabie novych siabroŭ. Niadaŭna prezident Čavies paabiacaŭ jamu «naftu na 200 hadoŭ napierad». U karotkaterminovym płanie heta nie asabliva mocna dapamahaje Łukašenku, i

tamu jon pieranios zapłanavanyja na nastupny hod prezidenckija vybary na 19 śniežnia. Sprava ŭ tym, što ŭžo sa studzienia biełarusy sutyknucca z pavyšeńniem cen na enierhanośbity.

Tamu Łukašenka ciapier z zadavalnieńniem prymaje pradstaŭnikoŭ Zachadu, choć jamu ich pavučańni i dziejničajuć na niervy. «Jak heta ni banalna — my zacikaŭlenyja ŭ Jeŭropie, ale Jeŭropa taksama nie moža biez nas abyścisia. My znachodzimsia ŭ samym sercy kantynienta», -kaža Łukašenka. Jon choča zbližeńnia ź Jeŭrasajuzam, i bolš-mienš svabodnyja vybary ŭjaŭlajucca jamu nie zanadta vysokaj canoj. Parazy jon usio roŭna nie baicca, bo apazicyja zanadta słabaja. Što datyčyć jeŭrapiejcaŭ, to hłybokaja zima ŭ rasijska-biełaruskich adnosinach nie zastałasia dla ich niezaŭvažanaj. Pierš za ŭsio palaki i litoŭcy ličać, što nastaŭ čas złamać isnujučuju pamiž Biełaruśsiu i Jeŭrasajuzam «kitajskuju ścianu», jak jaje nazyvaje prezident Hrybaŭskajcie. Tamu Jeŭrasajuz pieraklučyŭsia z palityki patrabavańniaŭ na palityku abiacańniaŭ. Zabarona na kantakty z hałoŭnymi biełaruskimi palitykami byŭ źniaty, i było abiacana dabrasłavieńnie partniorskaj palityki.

«Most u Jeŭropu» adkryty, abiacaje Viestervele ŭ Minsku, adnak u jaho čatyry apory: «Demakratyja, vierchavienstva zakona, pravy čałavieka, svabodnyja i sumlennyja vybary».

Jakraz padčas niamiecka-polskaha dvajnoha vizitu takija hrupy, jak Belarus Watch vykarystoŭvali jaho ŭ jakaści padstavy dla vystaŭleńnia svaich patrabavańniaŭ. Varta pamiatać ab tym, što «praciŭniki režymu i niezaležnyja žurnalisty ŭ Biełarusi ŭsio jašče padviarhajucca zapałochvańniam i pieraśledu. U Biełarusi nie skasavanaje śmiarotnaje pakarańnie, a svaboda vykazvańnia mierkavańniaŭ, prava na stvareńnie abjadnańniaŭ i prava praviadzieńnia schodaŭ rehularna parušajucca».

• 0
• 0
• 0
• 0
• 0
• 0
• 0
• 0