Baŭharyja: prarasiejski kandydat nabraŭ až čverć hałasoŭ
Sacyjalist Hieorhi Pyrvanaŭ druhi raz vyjhraŭ prezydenckija vybary ŭ Baŭharyi. Adnak za jahonaha kankurenta, ekstremista Volena Siderava prahałasavała kala 25% baŭharaŭ.
Hieorhi Pyrvanaŭ druhi raz vyjhraŭ prezydenckija vybary ŭ Baŭharyi. Adnak za jahonaha kankurenta, ekstremista Volena Siderava prahałasavała kala 25% baŭharaŭ.
49-hadovy Pyrvanaŭ, staršynia postkamunistyčnaj Baŭharskaj sacyjalistyčnaj partyi, z samaha pačatku razhladaŭsia jak samy imavierny pieramožca. Adnak sprava vyrašyłasia tolki ŭ druhim tury, bo padčas pieršaha jaŭka vybarščykaŭ nie dasiahnuła 50%.
Kamentataraŭ u Eŭropie niepakoić fakt, što čverć žycharoŭ krainy, jakaja z 1 studzienia 2007 h. uvojdzie ŭ skład Eŭraźviazu, padtrymała Siderava, jaki miarkuje, što jahonaja kraina pavinna abjadnacca z Rasiejaj.
Sideraŭ upieršyniu prajaviŭ siabie letaś na parlamenckich vybarach, kali stvoranaja im usiaho tolki dva miesiacy raniej partyja «Ataka» adrazu ž stała čaćviortaj siłaj u parlamencie.
Nieprychilny da Eŭraźviazu i ZŠA Sideraŭ prasłaviŭsia jak teležurnalist, napadajučy na nacyjanalnyja mienšaści, asabliva cyhanoŭ. Jon nie chavaje taksama svaich rasisckich i antysemickich pohladaŭ. Padčas prezydenckaj kampanii jon vystupaŭ pad lozunham «Baŭharyja dla baŭharaŭ» i patrabavaŭ zabaranić partyju baŭharskich turkaŭ.
Razdroblenaja baŭharskaja pravica, niahledziačy na šmatmiesiačnyja pieramovy, nia zdoleła vystavić adzinaha kandydata i akazałasia pa-za hulnioj.
Na fota: Hieorhi Pyrvanaŭ
Kamientary