Vanish pieratvorycca ŭ Resolve, a Tiret — u Xtomer. Biełarusaŭ rychtujuć da taho, što brendy bytavoj chimii chutka źmianiać nazvy
Na palicach biełaruskich kram možna pabačyć papularnyja srodki bytavoj chimii z papiaredžańniem, što chutka jany buduć nazyvacca inakš. Ludzi ździŭleny.
Videa z supiermarkieta apublikavaŭ minski błohier Maksim Puškin. Bačna, što na butelkach z bytavoj chimijaj jość nalepki-papiaredžańni. U chutkim časie Vanish budzie nazyvacca Resolve, Tiret — Xtomer, a Finish — Signum. A pobač ź niekatorymi tavarami ŭžo stajać tavary-bliźniatki: dyzajn butelek adnolkavy, a voś nazvy roznyja.
«Chto viedaje, što adbyvajecca? Čamu jany ŭ 2026 hodzie vyrašyli źmianić nazvu?» — cikavicca błohier u aŭdytoryi.
Pradukcyja, jakuju pakazvaje Puškin, pieršapačatkova naležała brytanskaj kampanii Reckitt. U krasaviku ahienctva Reuters paviedamlała, što rasijskaje padraździaleńnie kampanii raspracoŭvaje novyja pradukty i rehistruje pravy na intelektualnuju ŭłasnaść, kab zamianić bolšuju častku svajho asartymientu hihijeničnych srodkaŭ u Rasii ŭ adkaz na ŭzmacnieńnie sankcyj Jeŭrasajuza.
A ŭžo ŭ lipieni Reckitt aficyjna paviedamiła, što pradaje svajo rasijskaje padraździaleńnie. Pakupnik — TAA «Arnest». Heta bujnaja rasijskaja hrupa kampanij, jakaja vyrablaje bytavuju chimiju, kaśmietyku i inšaje. Apošnija hady jana aktyŭna nabyvaje rasijskija pradpryjemstvy zamiežnych kampanij, jakija sychodziać z Rasii.
Naprykład, u 2024 hodzie «Arnest» nabyŭ biełaruskaje i rasijskaje padraździaleńnie kampanii Unilever (heta jana vypuskała myła Dove, dezadaranty Rexona, srodki dla ŭborki Domestos).
Akramia Vanish, Tiret dy Finish nazvy źmieniać i inšyja tavary brenda. Tak, Calgon stanie Salgent, a Cillit Bang — Brillit Blast.
Ciapier čytajuć
«Z rasijan-naviednikaŭ pracentaŭ 70 akazvalisia vatnikami». Eks-hid z muzieja VAV, jakoha zatrymlivali jaho ž ekskursanty, ciapier papularny ŭ Varšavie — pahutaryli ź im14
Kamientary
[Zredahavana]