Repietycyja 19 śniežnia?
Repietycyja 19 śniežnia?
16 listapada ŭ stalicy prajšoŭ tradycyjny Łancuh nieabyjakavych ludziej na Kastryčnickaj płoščy. Tradycyjny, ale nie zvyčajny. Udzielniki pasprabavali prarvacca da Administracyi prezidenta.
Moładź pryniesła na Płošču partrety Zacharanki, Hančara, Krasoŭskaha, Aŭtuchoviča.
Da junakoŭ dałučyŭsia kandydat u prezidenty Mikoła Statkievič, lider AHP i davieranaja asoba kandydata Ramančuka Anatol Labiedźka, a taksama kiraŭnik inicyjatyŭnaj hrupy kandydata Rymašeŭskaha Pavieł Sieviaryniec.
Za Pałacam Respubliki dziažuryli aŭtazaki i milicyjanty ŭ cyvilnym. Manifiestantaŭ filmavali, ale nie zatrymlivali.
Takija samyja milicyjanty ŭ cyvilnym zaharadzili darohu pratestoŭcam kala budynku Kupałaŭskaha teatra, kali tyja sprabavali prajści da prezidentury.
Junakoŭ pataŭkli i pašturchali, ale nikoha nie zatrymali.
Pavał Sieviaryniec zaklikaŭ ludziej pryjści na Płošču i 24 listapada, kali adbudziecca pieršaja vialikaja sustreča kandydataŭ z vybarcami. «Nas budzie značna bolš, i z nami budzie bolš, čym ź imi», — skazaŭ jon.
Udzieł u pikiecie 16 listapada ŭziali niekalki dziasiatkaŭ čałaviek.
Pašpart Novaj Biełarusi pačnuć vydavać z 26 studzienia. Što viadoma i jak atrymać?102
Kamientary