Рэпетыцыя 19 снежня?
Рэпетыцыя 19 снежня?
16 лістапада ў сталіцы прайшоў традыцыйны Ланцуг неабыякавых людзей на Кастрычніцкай плошчы. Традыцыйны, але не звычайны. Удзельнікі паспрабавалі прарвацца да Адміністрацыі прэзідэнта.
Моладзь прынесла на Плошчу партрэты Захаранкі, Ганчара, Красоўскага, Аўтуховіча.
Да юнакоў далучыўся кандыдат у прэзідэнты Мікола Статкевіч, лідэр АГП і давераная асоба кандыдата Раманчука Анатоль Лябедзька, а таксама кіраўнік ініцыятыўнай групы кандыдата Рымашэўскага Павел Севярынец.
За Палацам Рэспублікі дзяжурылі аўтазакі і міліцыянты ў цывільным. Маніфестантаў фільмавалі, але не затрымлівалі.
Такія самыя міліцыянты ў цывільным загарадзілі дарогу пратэстоўцам каля будынку Купалаўскага тэатра, калі тыя спрабавалі прайсці да прэзідэнтуры.
Юнакоў патаўклі і паштурхалі, але нікога не затрымалі.
Павал Севярынец заклікаў людзей прыйсці на Плошчу і 24 лістапада, калі адбудзецца першая вялікая сустрэча кандыдатаў з выбарцамі. «Нас будзе значна больш, і з намі будзе больш, чым з імі», — сказаў ён.
Удзел у пікеце 16 лістапада ўзялі некалькі дзясяткаў чалавек.
Каментары