Bolš za 1 młn šakaładnych navahodnich padarunkaŭ

Biełaruskija kandytarskija fabryki da 1 śniežnia pastaviać u handlovuju sietku zvyš 1 młn. padarunkavych naboraŭ, paviedamiła pres-słužba Ministerstva handlu.

Heta na 230 tys. štuk bolš, čym u 2009 hodzie. Raspracavana kala 60 vidaŭ navahodnich padarunkaŭ roznych pamieraŭ i form, z utrymańniem prysmakaŭ ad 300 hramaŭ da 2,5 kh. Vypuščany novyja vidy navahodnich padarunkaŭ u vyhladzie miakkich cacak, jakija simvalizujuć nadychodziačy hod.

Płanujecca, što ŭ IV kvartale 2010 hoda na ŭnutrany rynak krainy budzie pastaŭlena kala 400 tys. dał šampanskaha i vinaŭ ajčynnaj vytvorčaści, što na 20% bolš, čym u 2009 hodzie. Roźničnyja ceny na vino pienistaje i šampanskaje ajčynnaj vytvorčaści składuć ad 11 da 20 tys. rubloŭ, zamiežnaj vytvorčaści — ad 25 da 150 tys. rubloŭ.

Akramia taho, arhanizavany pašyrany handal jołačnymi ŭpryhažeńniami, karnavalnymi kaściumami, štučnymi jołkami, suvienirami z navahodniaj tematykaj. Na 15 listapada subjektami handlu hetych tavaraŭ zakuplena prykładna na 16 młrd. rub.

Pavodle papiarednich źviestak, u krainie budzie pracavać kala 700 jołačnych bazaraŭ. Jany buduć realizoŭvać naturalnyja jełki z 20 pa 31 śniežnia.

U pieradśviatočnyja i śviatočnyja dni budzie praciahnuty režym pracy kala 5 tys. handlovych abjektaŭ. Pry hetym u pieradśviatočnyja i śviatočnyja dni (pačynajučy z 20 śniežnia) budzie ŭstanoŭleny maratoryj na zakryćcio mahazinaŭ, rynkaŭ, abjektaŭ hramadskaha charčavańnia i bytavoha absłuhoŭvańnia nasielnictva na ramont, invientaryzacyju, sanitarnyja dni i inšyja padobnyja mierapryjemstvy. Abjektam hramadskaha charčavańnia ŭ śniežni pradpisana pracavać biez vychadnych, a čas pracy restaranaŭ i kafe, jakija ažyćciaŭlajuć śviatočnaje absłuhoŭvańnie, ustanoŭleny da 6 hadzin ranicy, akramia raźmieščanych u pamiaškańniach, ubudavanych u žyłyja budynki.

U pieradśviatočnyja dni budzie pavialičana źmiennaść pracy kulinarnych, bułačna-kandytarskich cechaŭ, jakija płanujuć vyrabić nie mienš čym 3 tys. ton kulinarnych, kandytarskich vyrabaŭ i paŭfabrykataŭ. Heta, padličyli śpiecyjalisty, daść pryrost tavaraabarotu kala 25 młrd. rubloŭ. U śniežni projduć vystavy-prodažy kulinarnych, kandytarskich vyrabaŭ, sałodkich straŭ i desiertaŭ u mahazinach i adździełach kulinaryi, u chołach restaranaŭ, kafe, stałovych, kala prachadnych pramysłovych pradpryjemstvaŭ. Usiaho płanujecca pravieści bolš čym 3 tys. vystaŭ-prodaž pradukcyi hramadskaha charčavańnia, u tym liku aŭtarskija vystavy majstroŭ-kucharaŭ, majstroŭ-kandytaraŭ.

• 0
• 0
• 0
• 0
• 0
• 0
• 0
• 0