Беларускія кандытарскія фабрыкі да 1 снежня паставяць у гандлёвую сетку звыш 1 млн. падарункавых набораў, паведамілапрэс-служба Міністэрства гандлю.
Гэта на 230 тыс. штук больш, чым у 2009 годзе. Распрацавана каля 60 відаў навагодніх падарункаў розных памераў і форм, з утрыманнем прысмакаў ад 300 грамаў да 2,5 кг. Выпушчаны новыя віды навагодніх падарункаў у выглядзе мяккіх цацак, якія сімвалізуюць надыходзячы год.
Плануецца, што ў IV квартале 2010 года на ўнутраны рынак краіны будзе пастаўлена каля 400 тыс. дал шампанскага і вінаў айчыннай вытворчасці, што на 20% больш, чым у 2009 годзе. Рознічныя цэны на віно пеністае і шампанскае айчыннай вытворчасці складуць ад 11 да 20 тыс. рублёў, замежнай вытворчасці — ад 25 да 150 тыс. рублёў.
Акрамя таго, арганізаваны пашыраны гандаль ёлачнымі ўпрыгажэннямі, карнавальнымі касцюмамі, штучнымі ёлкамі, сувенірамі з навагодняй тэматыкай. На 15 лістапада суб’ектамі гандлю гэтых тавараў закуплена прыкладна на 16 млрд. руб.
Паводле папярэдніх звестак, у краіне будзе працаваць каля 700 ёлачных базараў. Яны будуць рэалізоўваць натуральныя елкі з 20 па 31 снежня.
У перадсвяточныя і святочныя дні будзе працягнуты рэжым працы каля 5 тыс. гандлёвых аб’ектаў. Пры гэтым у перадсвяточныя і святочныя дні (пачынаючы з 20 снежня) будзе ўстаноўлены мараторый на закрыццё магазінаў, рынкаў, аб’ектаў грамадскага харчавання і бытавога абслугоўвання насельніцтва на рамонт, інвентарызацыю, санітарныя дні і іншыя падобныя мерапрыемствы. Аб’ектам грамадскага харчавання ў снежні прадпісана працаваць без выхадных, а час працы рэстаранаў і кафэ, якія ажыццяўляюць святочнае абслугоўванне, устаноўлены да 6 гадзін раніцы, акрамя размешчаных у памяшканнях, убудаваных у жылыя будынкі.
У перадсвяточныя дні будзе павялічана зменнасць працы кулінарных,
Каментары