Dla rasiejcaŭ apošni demarš vyhladaje jak ździek: mała taho što "Biełtranshazu" nie atrymajecie, dyk jašče i vašyja truby adabrać možam!
Vystup rasiejskaha ambasadara Surykava (haz pa $140, naftu abrežam, za pryhožyja vočki bolej nia płacim i h.d.) spravakavaŭ imhniennuju reakcyju.
Minułym razam sustrečny pazoŭ ahučyŭ siabar Savietu respubliki Čarhiniec. Zaraz ananimnaja ŭradavaja krynica dadała novy punkt. Da tranzytu, vajskovych abjektaŭ dy inšaha pryplusavanyja mahistralnyja naftapraduktapravody.
Admietna, što vakoł ich užo išła zaciažnaja bojka niekalki hadoŭ tamu. Rasiejski MZS vyłučaŭ navat notu pratestu.
Kanflikt ledźvie ŭłahodzili pazaletaś. Ale rana radavaŭsia sp.Fradkoŭ!
Ciapier Maskva atrymała novuju padstavu kazać pra vierałomstva biełaruskaha partnera.
Zvyš taho, dla rasiejcaŭ apošni demarš vyhladaje jak ździek: mała taho što "Biełtranshazu" nie atrymajecie, dyk jašče i vašyja truby adabrać možam!
Vajna nervaŭ abvastrajecca. Zaŭvažcie: u Miensku pakul što demanstratyŭna raspracoŭvajuć biudžet z raźlikam na 15-adsotkavaje padaražeńnie hazu. Chacia zrazumieła, što pry varyjancie, jaki ahučyŭ Surykaŭ, idealistyčny dakument adrazu zatraščyć pa ŭsich švoch.
Vyhladaje na toje, što rasiejski ambasadar užyŭ eŭfemizm, skazaŭšy, što sustreča Pucina z Łukašenkam budzie "dastatkova niaprostaj".
Pavodle nieaficyjnych źviestak z Maskvy, tam ličać, što biełaruski kiraŭnik nadta ryzykuje, pierasiahnuŭšy "kropku viartańnia".
P.S. Darečy, za arendu vajskovych abjektaŭ mnoha nia złupiš. Naprykład, Rasieja, ekspluatujučy da 1999 hodu RŁS u Skrunde, płaciła Łatvii pa $5 młn. štohod. Sa słoŭ niezaležnych ekspertaŭ, za RŁS pad Hancavičami možna spahaniać pa 7-9 miljonaŭ. Naŭrad ci akazałasia b pryncypova adroznaj i płata za punkt suviazi VMF la Vialejki.
Karaciej, hrošy dla Maskvy mizernyja. Inšaja reč, što heta było b maralnaj aplavuchaj. Zrešty, nia pieršaj.
«Miesiačny płaciež paciahnie na 340 rubloŭ». Što budzie ŭ Biełarusi z mabilnym internetam?15
Kamientary