Litva vykazvaje škadavańnie i zaniepakojenaść z nahody taho, što 19 śniežnia ŭłady Biełarusi nie zabiaśpiečyli hramadzianam svajoj krainy svabodu schodaŭ i prymianili siłu suprać demanstrantaŭ.
Pra heta havorycca ŭ zajavie, raźmieščanaj na aficyjnym sajcie Ministerstva zamiežnych spraŭ Litvy.
«Asablivuju zaniepakojenaść vyklikajuć brutalnyja dziejańni biełaruskich siłavych struktur u dačynieńni da apazicyjnych kandydataŭ u prezidenty, pradstaŭnikoŭ niezaležnych ŚMI, aktyvistaŭ apazicyi, ich aryšty, vobyski ŭ damach i na pracoŭnych miescach pradstaŭnikoŭ demakratyčnaj apazicyi», — havorycca ŭ zajavie.
MZS Litvy zaklikaje aficyjny Minsk ustrymacca ad vykarystańnia siły ŭ dačynieńni da mirnych demanstrantaŭ, adpuścić zatrymanych, jak maha chutčej rasśledavać i acanić usie incydenty.
Litva kansultujecca sa svaimi partniorami ŭ Arhanizacyi pa biaśpiecy i supracoŭnictvie ŭ Jeŭropie i ES pa pytańniach acenki chodu i vynikaŭ vybaraŭ u Biełarusi, paviedamlaje źniešniepalityčnaje viedamstva.
Ciapier čytajuć
Ad pryvatnikaŭ patrabujuć zavieści ideołaha ŭ štacie — raspytali, što robiać kampanii17
Kamientary