Jarmošyna z adryvam pieramahaje ŭ zmahańni za internet-premiju «Seksist hoda-2010»
Kolkaść addadzienych za staršyniu CVK Biełarusi hałasoŭ nabližajecca da 80%.
Kolkaść addadzienych za staršyniu CVK Biełarusi hałasoŭ nabližajecca da 80%.
Inicyjatyŭnaja hrupa «Za fieminizm» zasnavała internet-premiju «Seksist hoda-2010». Konkurs maje 3 naminacyi:
I.Seksist hoda (asabisty zalik). Naminujucca aŭtary seksisckich vykazvańniaŭ.
II.Seksisckaja rekłama hoda (kamandny zalik). Naminujucca videa-i aŭdyjo-roliki, a taksama rekłama ŭ drukavanych ŚMI i vonkavaja rekłama.
III.Śpiecyjalny pryz dla žančyn, jakija robiać antyžanočyja zajavy (vykazvańni).
Siarod naminantak na śpiecyjalny pryz apynułasia staršynia Centrvybarkamu Biełarusi Lidzija Jarmošyna.Nahodaj dla hetaha stała jaje vykazvańnie pra hvałtoŭny razhon akcyi 19 śniežnia, u časie jakoha paciarpieli i žančyny. Na pres-kanfierencyi Jarmošyna zajaviła pra źbitych žančyn nastupnaje:
«Vy viedajecie, hetym žančynam rabić niama čaho. Siadzieli b doma, boršč hatavali, a nie pa płoščach šastali. Heta hańba dla žančyny – udzielničać u padobnych mierapryjemstvach. Ja jašče razumieju, kali jana dziaŭčyna durnaja, maładaja. Dy maładych ludziej šmat. A kali žančyna va ŭzroście idzie, značyć, prabačcie, u jaje niešta ź intelektam nie ŭ paradku».
Vysnova inicyjataraŭ premii: Staršynia CVK Biełarusi tranśluje seksisckija stereatypy pra toje, što «miesca žančyn na kuchni» i što ŭ palitycy im nie miesca. Heta hučyć asabliva cynična, uličvajučy akaličnaści: žančyn, jakija ŭdzielničali ŭ demanstracyi ŭ Minsku, žorstka źbivaŭ AMAP (zrešty, jak i mužčyn).
Pa stanie na 6 studzienia Lidzija Jarmošyna ŭpeŭniena pieramahaje svaich kankurentak, nabližajučysia za mahičnych 79%.
Internet-premija «Seksist hoda-2010»
Z 7 śniežnia 2010 h. pa 3 studzienia 2011 h. prymalisia prapanovy pa kandydaturach ad usich achvočych. Adkrytaje internet-hałasavańnie ładzicca z 4 pa 12 studzienia. Vyniki konkursu buduć ahučanyja 13 studzienia.
Ciapier čytajuć
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2020
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ20
«Hienierał Biada vylecieŭ praz bakavoje škło «Čajki». Małaviadomaja avaryja 1976 hoda, u jakoj zahinuli druhi čałaviek u BSSR i bajavy lotčyk-hienierał44
Kamientary