Dyrektar radyjostancyi raskazaŭ pra bližejšyja płany redakcyi, salidarnaść kalehaŭ i mižnarodny rozhałas.
Dyrektar radyjostancyi raskazaŭ pra bližejšyja płany redakcyi, salidarnaść kalehaŭ i mižnarodny rozhałas.
«Na dadzieny momant my rychtujem pazoŭ u Vyšejšy haspadarčy sud, vyčytvajem kožny punkt, kansultujemsia. Dumaju, u paniadziełak my padamo jaho ŭ sud», — raskazaŭ «Našaj Nivie» dyrektar «Aŭtaradyjo» Juryj Bazan. Nahadajem, što 11 studzienia Respublikanskaja kamisija pa telebačańni i radyjoviaščańni anulavała prava «Aŭtaradyjo» na naziemnaje efirnaje radyjoviaščańnie ŭ suviazi ź nievykanańniem joj «tvorčaj kancepcyi i raspaŭsiudžvańniem u efiry infarmacyi, jakaja źmiaščaje publičnyja zakliki da ekstremisckaj dziejnaści».
«Heta nielehitymnaje rašeńnie»
Juryj Bazan upeŭnieny, što rašeńnie kamisii pamyłkovaje: «My ŭvažliva aznajomilisia z Zakonam ab druku, vyvučyli pałažeńni, jakija datyčać adkaznaści za raspaŭsiud ekstremisckaj infarmacyi. Zhodna zakonu, rašeńnie ab zakryćci radyjostancyi moža pryniać tolki sud. I tolki sud moža vyznačyć, što źjaŭlajecca ekstremisckaj infarmacyjaj».
Na dumku dyrektara «Aŭtaradyjo», Kamisija pa telebačańni i radyjoviaščańni faktyčna prysvoiła sabie paŭnamoctvy suda, začyniŭšy radyjostancyju svaim rašeńniemi nie parupiŭšysia navat pra toje, kab rasšyfravać abhruntavańnie takoha radykalnaha kroku. «Heta nielehitymnaje rašeńnie i my budziem jaho asprečvać».
Spadar Bazan ličyć, što rašeńnie ab zakryćci radyjostancyi naniesła jaje reputacyi vialikuju škodu. «U nas jašče nie było padobnych precedentaŭ, ale na Zachadzie my mahli b raźličvać na istotnuju kampiensacyju».
«My — niepalityčnaje radyjo»
Abskardžvańnie rašeńnia kamisii ŭ VHS mahčyma zojmie nie adzin miesiac. Redakcyja «Aŭtaradyjo» nie budzie siadzieć na miescy ŭvieś hety čas. «Našy nastupnyja dziejańni buduć mieć formu zvarotaŭ. My — niepalityčnaje radyjo. My zajmalisia raskrutkaj biełaruskaj muzyki. Mnohija hurty, što debiutavali ŭ nas, rabilisia ajčynnymi „zorkami“.
Nam telefanujuć ciapier maładyja muzyki, pytajuć, kudy im ciapier nieści zapisy.Pierakanany, što adbyłasia pamyłka, niedarečnaja pamyłka». Razam z tym, spadar Bazan padkreślivaje, što treba mieć mužnaść pryznavać svaje pamyłki. Tym bolš, što ŭłady lubiać nahadvać, što Biełaruś — pravavaja dziaržava. «To davajcie i vyrašym pytańnie ŭ ramkach prava». Dyrektar spadziajecca, što mahčyma prablemu vyrašyć vykanaŭčaja ŭłada — Saŭmin, abo Administracyja prezidenta.
Maŭčańnie
Za apošnija try dni ŭ redakcyi «Aŭtaradyjo» ŭ litaralnym sensie nie začynialisia dźviery. «U nas byli i biełaruskija žurnalisty, i kalehi z Rasii. Zapisali intrevju niekalki jeŭrapiejskich telekanałaŭ. Urešcie ja skazaŭ svaim kaleham, što intrevju — heta dobra, ale treba ŭžo štości rabić, rychtavać dakumienty, ratavać radyjostancyju», — śmiajecca Juryj Bazan.
A što inšyja biełaruskija
Kali havaryć pra kiraŭnictva radyjostancyj, to bok aficyjnuju reakcyju na situacyju vakoł nas, to nivodnaja fm-stancyja nie adhuknułasia.Kali ž havorka pra prostych supracoŭnikaŭ radyjo, to nam mnohija telefanavali. Niekalki čałaviek skazali, što zvolnilisia z pracy paśla zakryćcia našaj radyjostancyi», — raskazaŭ kiraŭnik «Aŭtaradyjo».
-
«Vy viedajecie, što bolšaść biełarusaŭ ličać vas nikčemnymi chałujami?»
-
Cyhankoŭ: Babaryka značna bližejšy da pazicyi ofisa Śviatłany Cichanoŭskaj, čym da vykazvańniaŭ «babarykancaŭ»
-
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»
Ciapier čytajuć
Koŭł Łukašenku: Tabie treba być bolš aściarožnym, za stałom kiepskich pacanoŭ zastaŭsia adzin ty10
Kamientary