U niadzielu 13 lutaha ŭ Horadni adbyłosia nadzvyčajnaje pasiedžańnie Hałoŭnaj rady apazycyjnaha Sajuzu palakaŭ. Hałoŭnym pytańniem było zatrymańnie i aryšt Andreja Pačobuta — staršyni Hałoŭnaj rady arhanizacyi.
Rada pryniała zvarot da prezydenta Polščy Branisłava Kamaroŭskaha, jaho prosiać paspryjać tamu, kab sytuacyja vakoł Sajuzu palakaŭ nie paharšałasia, kab, pa mahčymaści, vypuścili A. Pačobuta, kab spynilisia represii adnosna inšych siabraŭ i suprać samoj arhanizacyi.
Andrej Pačobut źjaŭlajecca karespandentam «Gazety Wyborczej». 11 lutaha jaho pasadzili na piatnaccać sutak nibyta za ŭdzieł u niesankcyjanavanym prateście ŭ Miensku 19 śniežnia, dzie jon prysutničaŭ u jakaści žurnalista. Sprava ŭ Kastryčnickim sudzie Miensku razhladałasia dvojčy. Pieršym razam žurnalista aštrafavali na 1 miljon 750 tysiač rubloŭ. Adnak hety prysud nie zadavoliŭ Kastryčnickuju rajonnuju prakuraturu, i sprava była nakiravana na novy razhlad.
Kamientary