Biełaruś pavinna poŭnaściu zabiaśpiečyć unutranyja patrebnaści ŭ hrečcy, zajaviŭ prem'jer-ministr Michaił Miaśnikovič 15 lutaha na pasiadžeńni prezidyuma Saŭmina pa pytańniach raźvićcia ahrapramysłovaha kompleksu i praviadzieńnia viesnavoj siaŭby.
«Sioleta nieabchodna całkam zabiaśpiečyć unutranyja patrebnaści ŭ krupianych kulturach, u tym liku hrečcy», — zajaviŭ kiraŭnik urada.
Jon padkreśliŭ, što pry nieabchodnaści treba zakupić dadatkova nasieńnie hrečki, kab całkam zabiaśpiečyć imi haspadarki.
U svaju čarhu ministr sielskaj haspadarki i charčavańnia Michaił Rusy adznačyŭ, što sioleta buduć pavialičanyja pasiaŭnyja płoščy hrečki, «kab źniać prablemu, jakaja siońnia isnuje». «My surjozna pracujem nad hetaj temaj», — skazaŭ jon.
Ministr adznačyŭ, što jašče nie va ŭsich rehijonach vykanany zadańni pa zasypańni nasieńnia hrečki. Tak, Minskaj vobłaściu zadańnie vykanana na 79%, Viciebskaj — na 58%. Nieabchodnyja abjomy nasieńnia hrečki nazapašany ŭ Hrodzienskaj i Mahiloŭskaj abłaściach. Departamient chlebapraduktaŭ maje zapas nasieńnia hrečki bolš za 300 ton, i jašče 300 ton zavozicca.
«Raśpisany hrafiki, kudy heta nasieńnie pojdzie, da 15 sakavika jany buduć zaviezieny ŭ haspadarki», — kanstatavaŭ Rusy.
Ciapier čytajuć
Były biełaruski milicyjanier šukaje «parodzistuju pryhažuniu». Nazyvaje siabie miljanieram, a sam sudzicca z byłoj žonkaj za alimienty19
Kamientary