Hramadzianie Małdovy vypivajuć bolš ałkaholnych napojaŭ, čym žychary inšych krain, havorycca ŭ apublikavanym dakładzie Suśvietnaj arhanizacyi achovy zdaroŭja (SAAZ).
Žychar Małdovy vypivaje ŭ siarednim 18,22 ł ałkaholnaj pradukcyi ŭ hod, što amal u try razy bolš, čym siaredni hłabalny pakazčyk — 6,1 litra ałkaholu, jakija čałaviek užyvaje štohod. SAAZ adznačaje, što ŭ biudžecie Małdovy, jak i ŭ Izraili, Charvatyi i va Ukrainie, zakładzieny admysłovy raździeł pa lačeńni ad ałkahalizmu. 126 krain farmalna pravodziać prahramy lačeńnia ad złoŭžyvańnia ałkaholu.
U rejtynhu krainaŭ, žychary jakich pjuć najbolš, taksama fihuruje Čechija z pakazčykam 16,45 litra ałkaholu na čałavieka ŭ hod, Vienhryja — 16,27 litra, Rasija — 15,76 litra, Ukraina — 15,6 litra, Estonija — 15 57 litra, Andora — 15,48 litra, Rumynija — 15,3 litra, Słavienija — 15,19 litra, Biełaruś — 15,13 litra, Vialikabrytanija — 13,37 litra.
Pavodle dadzienych SAAZ, kožny piaty čałaviek u Rasii i ŭ krainach SND pamiraje ad užyvańnia ałkaholu.
Usiaho ŭ śviecie kala 320 tysiač čałaviek va ŭzroście ad 15 da 29 hadoŭ pamirajuć ad užyvańnia ałkaholu, što składaje 9% ad kolkaści ŭsich śmierciaŭ u hetaj uzrostavaj katehoryi,havorycca ŭ apublikavanym arhanizacyjaj dakładzie pa hłabalnaj prablemie ŭžyvańnia čałaviekam ałkaholnych napojaŭ.
«Miesiačny płaciež paciahnie na 340 rubloŭ». Što budzie ŭ Biełarusi z mabilnym internetam?15
Kamientary