Prem'jer-ministr Biełarusi Michaił Miaśnikovič zajaviŭ pra svoj namier na praciahu 2012–2013 radykalna pamianiać sistemu raźlikaŭ zamoŭcaŭ z budaŭničymi padradnymi arhanizacyjami, pierajšoŭšy ad avansavańnia ich dziejnaści da apłaty pa fakcie zdačy abjektaŭ.
«Kali nie ŭ 2012, to ŭ 2013 hodzie raźlik za abjekt budzie ažyćciaŭlacca ŭ cełym pa fakcie jaho ŭvodu», — zajaviŭ Miaśnikovič, vystupajučy ŭ sieradu ŭ parłamiencie.
Pavodle jaho słovaŭ, jon birajecca damahčysia pierachodu na takuju sistemu raźlikaŭ z budaŭnikami, niahledziačy na čakanaje procidziejańnie z boku budaŭničaha łobi.
«Siońnia ŭ budaŭnictvie ŭsio idzie za košt avansaŭ, a ŭ pramysłovaści, vytvorčaści — za košt abarotnych srodkaŭ, za košt kredytaŭ», — rastłumačyŭ premjer.
U vyniku, pa jaho słovach, «da momantu ŭvodu abjekta ŭ zamoŭcy nie zastajecca ryčahoŭ upłyvu na padradčyka», što, na jaho dumku, ciahnie za saboj vydatki ŭ jakaści budaŭnictva.
Premjer ličyć, što pry pierachodzie na apłatu budaŭnikam pa fakcie ŭ ich moža źjavicca niedachop abarotnych srodkaŭ, i tady spatrebicca pryciahnieńnie kredytaŭ, što moža pavialičyć košt budaŭnictva. «Ale heta budzie stymułam dla padradčyka ŭkłaścisia ŭ terminy i kaštarys budaŭnictva», — ličyć jon.
Miaśnikovič taksama paviedamiŭ, što «u hetym hodzie
Premjer ličyć, što pierachod da biahučych cenaŭ u budaŭnictvie łahičny ŭ suviazi z tym, što «ŭ nas užo niama vysokaj inflacyi, i budaŭnictva ažyćciaŭlajecca ŭ asnoŭnym pa typavych prajektach».
Kamientary