Uzialisia štrafavać čytačoŭ «kramolnych» hazet?
U Homieli na rabočaha zavoda skłali pratakoł, za toje, što jon prynios na pracu dva asobniki haziety «Svaboda». Jamu pahražaje štraf u 5 minimalnych zarobkaŭ. Dla paraŭnańnia, bieźbiletny prajezd u vypadku sustrečy z kantraloram abydziecca ŭ dziesiać razoŭ tańniej.
U Homieli na rabočaha zavoda skłali pratakoł, za toje, što jon prynios na pracu dva asobniki haziety «Svaboda».
Namieśnik dyrektara pa kadrach i ideałohii «Homielskaha zavoda puskavych ruchavikoŭ» Alaksandr Minčuk 28 listapada vyklikaŭ na pradpryjemstva milicyju. Taksama da kiraŭnictva zaprasili načalnika instrumientalnaha adździeła zavoda, majstra i niekalki rabočych, jakija vymušany byli davać tłumačeńni, adkul u adździele źjavilisia dva asobniki małafarmatnaj niezarehistravanaj haziety «Svaboda».
Apytanyja patłumačyli, što hazietu prynios tokar-instrumientalščyk Anatol Papłaŭny. Tokar A. Papłaŭny, jaki akramia taho źjaŭlajecca staršynioj Homielskaj haradskoj arhanizacyi partyi BNF, paćvierdziŭ, što sapraŭdy pa prośbie kaleh prynios na pracu asobniki haziety.
U vyniku ŭčastkovy inśpiektar Savieckaha AUS Homiela Ihar Ciarenič skłaŭ pratakoł na spadara Papłaŭnaha na padstavie artykuła 172 Administratyŭnaha kodeksa – «raspaŭsiudžańnie drukavanych vydańniaŭ, vyrablenych z parušeńniem vyznačanaha paradku, jakija nie majuć vypusknych danych, źmiest jakich nakiravany na pryčynieńnie ŭronu dziaržaŭnamu i hramadskamu paradku, pravam i zakonnym intaresam hramadzian...». Artykuł praduhledžvaje štraf u pamiery piaci minimalnych zarobkaŭ z kanfiskacyjaj vydańnia.
Miž tym, jak adznačyŭ Andrej Bastuniec, namieśnik staršyni BAŽ, dla pryciahnieńnia da adkaznaści pavodle artykuła 172 AK nieabchodna, kab usie pieraličanyja ŭ artykule parušeńni mieli miesca. Niedastatkova ŭstanavić, što hazieta nie maje vypusknych danych. Treba jašče dakazać, što źmiest vydańnia nakiravany na pryčynieńnie ŭronu.
Cikava, rabić acenku źmiestu haziety ŭ kampietencyi ŭčastkovaha milicyjaniera?
Kamientary