Vynik katavańnia? U palitviaźnia Bułanava aciakli nohi i balać sustavy
3 sakavika Kłaŭdzii Bułanavaj udałosia prarvacca da doktara śledčaha izalatara.
3 sakavika Kłaŭdzii Bułanavaj udałosia prarvacca da doktara śledčaha izalatara.
Paśla šakujučych pryznańniaŭ
Hetak, asablivy niepakoj vyklikaje stan zdaroŭja palitviaźnia Źmitra Bułanava. Ź jahonych cydułak z turmy było viadoma, što paśla aryštu ŭ jaho «pačali baleć sustavy noh». Chłopiec niekalki dzion nie padymaŭsia z turemnaha łožka.
Tydzień tamu stanovišča Bułanava nibyta palepšała, ale, jak vyjaviłasia, ciapier jamu znoŭ stała horš. Z łožka chłopiec znoŭ nie padymajecca, i pry hetym u turemny špital jaho nie kładuć.
Heta stała viadoma, bo 3 sakavika maci viaźnia Kłaŭdzii Jakubaŭnie Bułanavaj udałosia prarvacca da doktara śledčaha izalatara.
Doktarka pryznałasia, što robić viaźniu ŭkoły, kab aciok noh spaŭ. Dyjahnaz, sa słovaŭ maci, jašče nia vyznačany.
U toj ža čas KDB nie pahadziłasia źmianić Bułanavu mieru strymańnia. pra heta śviedčyć adkaz z prakuratury.
«Doktarka paabiacała, što budzie sprabavać, kab Bułanava pieraviali ŭ turemny špital», — kaža Kłaŭdzija Bułanava.
U toj ža čas sa śviedčańniaŭ Michaleviča viadoma, što doktar turmy KDB sam pakryvaje toje, što Michalevič acharaktaryzavaŭ jak katavańni. U pryvatnaści, Michalevič raskazaŭ, jak
U śviatle słovaŭ Michaleviča situacyja z Bułanavym nabyvaje novaje vymiareńnie.
Jon raskazaŭ, što viaźniaŭ hołymi staviać na raściažku ŭ chałodnym pamiaškańni na praciahły čas. Zaciakańnie noh u takim stanoviščy i mahło pryvieści da parušeńnia krovazvarotu, skazaŭ «Našaj Nivie» chirurh, ź jakim my kansultavalisia.Adnak pryčynaj aciokaŭ mahło być i zastudžvańnie, uskładnieńnie, jakoje dała virusnaja infiekcyja, ličyć jon. Dla vyznačeńnia dyjahnazu patrebny kantakt z chvorym, analizy i daśledavańni.
Alaksiej Michalevič źviarnuŭsia da ŭpaŭnavažanaha AAN pa pravach čałavieka z prośbaj umiašacca ŭ situacyju ŭ biełaruskich turmach. Jon taksama zaklikaŭ krainy Jeŭrasajuza dabivacca dostupu pradstaŭnikoŭ adpaviednych mižnarodnych strukturaŭ da tych, chto siadzić.
-
Staś Karpaŭ: Ja zaŭvažyŭ try Maryi
-
«Źviažyciesia z nami»: Prakopjeŭ napisaŭ kałonku dla «NN», u jakoj abhruntoŭvaje znachodžańnie Cichanoŭskaha ŭ Štatach i prosić hrošaj
-
«Ja tolki nie razumieju, dla kaho pabudavali AES?» Daŭno nijakaja tema nie vyklikała takich emocyj, jak adklučeńnie śviatła na zahad Łukašenki
Ciapier čytajuć
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj29
Kamientary