Natalla Radzina vyjšła na suviaź z redakcyjaj sajta charter97.org. Jana ŭ łahiery dla ŭciekačoŭ. Krainu pakul nie nazyvaje.
Natalla Radzina, jakaja niekalki dzion tamu źnikła pa darozie na dopyt u KDB, vyjšła na suviaź z redakcyjaj sajta charter97.org pa telefonie.
— Nataša, jak tabie ŭdałosia vyjści
— Ja b nie chacieła raskryvać padrabiaznaści, heta moža naškodzić tym ludziam, jakija mnie dapamahli. Mahu skazać, što heta było nie spantannaje rašeńnie, padstavaj staŭ vyklik na dopyt u KDB, adkul ja mahła dadomu ŭžo nie viarnucca. Ja ŭdziačnaja ŭsim, chto dapamoh mnie vyjechać, ź ich boku heta byŭ sapraŭdny podźvih.
— Dzie ty ciapier, i kali budzieš hatovaja pahavaryć z presaj?
— Pakul usio niaprosta, ale hałoŭnaje, ja bolš mahu nie dumać pra prasłuchoŭku, cicharoŭ i dopyty. Heta byli nie samyja prostyja dni u žyćci. Paśla taho, jak usio skončyłasia, ja sutki spała, tolki siońnia pačynaju prychodzić u siabie. Ciapier mnie treba prajści ŭsie farmalnaści i atrymać dakumienty. Spadziajusia, usie hetyja pracedury skončacca chutka, i ja zmahu znoŭ pracavać, sustrecca ź siabrami. Nie budu pakul nazyvać krainu, skažu tolki, što heta łahier uciekačoŭ.
— Ci patrebna tabie niejkaja dapamoha?
— Dziakuj usim, chto pieražyvaŭ, chvalavaŭsia za mianie. Pierš za ŭsio ja zajšła na sajt i pračytała kamientary. Heta nievierahodnaja padtrymka! Ja chaču chutčej skončyć z usimi nieabchodnymi pracedurami i znoŭ zajmacca svajoj pracaj. Ja pierakananaja — razam my pieramožam!
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»32
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić1010
Kamientary