U dźviuch knihach.
Paviedamlaju Vam, što jašče jość mahčymaść nabyć pieršy tom (u dźviuch knihach, razam 1720 staronak, vaha kamplektu - 2,6 kh) «ARCHIVAŬ BIEŁARUSKAJ NARODNAJ RESPUBLIKI».
Kniha była vydadzienaja ŭ 1998 hodzie, u kniharniach nie pradajecca, na składzie zastajecca jašče kala 150 kamplektaŭ, jakija čakajuć pakupnikoŭ.
***
«Archivy BNR» – publikacyja archiŭnych dakumentaŭ, jakija zachoŭvajucca ŭ fondzie №582 Dziaržaŭnaha archivu Litvy. U hetych dakumentach – historyja sprobaŭ stvareńnia niezaležnaj biełaruskaj dziaržaŭnaści paśla Pieršaj suśvietnaj vajny ŭ šyrokim kantekście. Padziei hetaj historyi adbyvajucca ŭ Biełarusi, Ukrainie, Litvie, Rasiei, Polščy, Niamieččynie, Čechii.
Hety archiŭny zbor dla biełaruskich daślednikaŭ nia byŭ sakretam, jašče ŭ savieckija časy ź im pracavali aficyjnyja historyki, spasyłki na dakumenty z hetaha fondu časta sustrakajucca ŭ antyBNRaŭskich publikacyjach. Adnak z uźniknieńniem pamiž Biełaruśju i Litvoj dziaržaŭnaj miažy praca ŭ litoŭskich archivach dla biełaruskich daślednikaŭ mocna ŭskładniłasia.
«Archivy BNR» faktyčna dazvalajuć mieć usie 135 papak-spravaŭ fondu №582 pad rukoj – tam na 1720 staronkach padrabiazna apisanyja ŭ chranalahičnym paradku ŭsie dakumenty i materyjały. Balšynia ź ich publikujecca całkam, niepublikavanyja padrabiazna apisvajucca, i ŭ razie patreby ich možna lohka znajści. Asablivuju kaštoŭnaść maje epistalaryj – u knizie publikujecca kala 1500 listoŭ biełaruskich palityčnych, hramadzkich i kulturnych dziejačoŭ 1917-1925 hadoŭ. U dadatkach – unikalnaja biblijahrafija tahačasnaj peryjodyki, ilustracyjnyja materyjały. Bahatyja pakazalniki – imienny, hieahrafičny i pradmietny – dazvalajuć znajści ŭ knizie praktyčna ŭsio, što moža zacikavić daślednika abo nieabyjakavaha čytača, što dazvalaje čytać knihu ź luboha kanca, sačyć za losam paasobnych hierojaŭ i miaścinaŭ niby ŭ niejkim avanturnym ramanie.
Zajaŭki pakidać abo tut, abo ŭ kamientarach da hetaha posta na shupa.livejournal.com
Ciapier čytajuć
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?9
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju3232
Kamientary