U zału suda pryjšło kala 30 nieviadomych maładzionaŭ. Śmiełyja pakazańni śviedkaŭ abarony.
18:08
Sud praciahniecca ŭ sieradu 4 maja a 10 ranicy.
17:06
Nastupnyja śviedki -- Alena Višnieŭskaja i Andrej Staletaŭ.
15:42
Sud nie dałučyŭ fotazdymki da materyjałaŭ spravy.
15:32
Radyjo «Svaboda» pieradaje:
Kučko zajaviŭ, što jon zastavaŭsia na płoščy Niezaležnaści paśla razhonu demanstracyi. Na jaho, pažyłoha čałavieka, śpiecnazaŭcy nie źviarnuli ŭvahi. Jon zajaviŭ, što na Płoščy paśla razhonu nie było nijakich butelek, ledarubaŭ, kanistraŭ i ŭsiaho inšaha, što potym pakazała BT u filmie «Žalezam pa škle». Śviedka nazvaŭ hety film falšyŭkaj i zajaviŭ, što ŭ toj viečar paśla razhonu zrabiŭ mabilnym telefonam 5 zdymkaŭ płoščy paśla razhonu, na jakich zafiksavanyja kałony milicyjantaŭ mašyna i nie bačna nijakich pradmietaŭ, jakija pakazała BT i pra jakija havorycca ŭ materyjałach spravy.
Kučko paprasiŭ dałučycć hetyja zdymki da spravy. Abvinavaŭca vystupiŭ suprać. Advakaty padtrymali.
Sudździa vyśviatlaje padrabiaznaści stvareńnia hetych zdymkaŭ.
Niekatoryja ŭ zale zaapładziravali ŭčynku śviedki.
Advakaty i padsudnyja aznajomilisia sa zdymkami Płoščy, zroblenymi Piatrom Kučko.
Kučko kaža, što hatovy addać fotaparat na ekśpiertyzu. Sudździa ździŭlajecca, jak milicyjanty nie aryštavali śviedku ŭ noč na 20 śniežnia.
15:06
Dapytvajuć śviedku Piatra Kučko. Jon kaža, što siarod ludziej na mitynhu była raźniavolenaja atmaśfiera. Akcyja była mirnaj.
13:01
Łabkovič kaža, što dźviery i vokny Doma ŭrada bili čałaviek 10–15. Pavodle pravaabaroncy, za hetym nazirali aficery ŭ cyvilnym, jakich Łabkovič bačyŭ raniej na akcyjach. Jany z Hułakom padyšli da hetych ludziej. I Hułak papytaŭsia ŭ aficeraŭ, čamu nie ŭmiešvajucca ŭ heta. Kali nievialikaja hrupa bje vokny, a akcyja mirnaja. «Aficery skazali, što my nie pavinny navodzić paradak. My prosta tut staim».
12:54
«U KDB śviatło nikoli nie haryć», — kaža U.Łabkovič. «Ciomnaje carstva», — paniesłasia pa šerahach.
12:39
Nastupny śviedka — pravaabaronca Uładź Łabkovič.
12:31
«Ja nie bačyŭ traŭmavanych supracoŭnikaŭ milicyi. Nie bačyŭ, kab im niechta akazvaŭ supraciŭ. Ja zastavaŭsia na Płoščy apošnim», — raskazvaje Bialacki.
«Čaho vy artykuły pišacie takija niekampietentnyja? — zapytaŭsia ŭ prakurora Aleś Bialacki. — Byli masavyja biesparadki? Nie było!»
Bialacki kaža, što ŭ sukupnaści biełaruskija vybary nie adpaviadajuć mižnarodnym standartam.
12:25
«Pavodziny milicyi ja liču biezadkaznymi. Toje, što adbyłosia la Doma ŭrada — heta vynik ich biaździejańnia, i adsutnaści kantaktaŭ z arhanizatarami. Kali b kantakt byŭ, to i nas by tut nie było siońnia», — kaža Aleś Bialacki.
Pravaabaronca nie bačyŭ, kab paralizoŭvałasia praca niejki ŭstanovaŭ. Nichto nie zabiahaŭ unutr budynkaŭ. «Kałona prajšła ciaham piaci chvilin — i ŭsio».
12:18
Bialacki havoryć, što ŭsiu akcyju ludzi pavodzili siabie mirna. «Prajavaŭ ahresii nie było».
«Nijakich ekstremisckich hrupaŭ, što rychtavalisia da zmahańnia ź milicyjaj, tam nie było», — kaža sp. Aleś.
11:58
Bialacki kaža, što akcyja 19 śniežnia ničym nie adroźnivałasia ad šmatlikich inšych vuličnych demanstracyj apošnich 25 hadoŭ. Jana mieła mirny charaktar.
«Siarod ludziej nie było niervoznaści. Usiaho było 20–30 tysiač čałaviek. Na Kastryčnickaj adpaviednych umovaŭ dla praviadzieńnia akcyi nie było, bo hučna hrała muzyka, nielha było ničoha čuć. Dla arhanizacyi mitynhu situacyja była bieznadziejnaj».
11:44
Nastupny śviedka — kiraŭnik pravaabarončaha centra «Viasna» Aleś Bialacki.
11:43
«Ci vymahała situacyja žorstka źbićcia demanstrantaŭ?» — pytajecca Sańnikaŭ u Hruździłoviča.
«Na moj pohlad, nie». Hruździłoviču nie dazvolili syści na pracu. Učora śpiecnazaŭcam paśla pakazańniaŭ dazvalali.
12:39
Sańnikaŭ kaža, što čakali, kab niechta vyjšaŭ na pieramovy z doma ŭrada. Jon kaža, što sam budučy namieśnikam ministra zamiežnych spravaŭ, časta pracavaŭ u vychadnyja.
Taksama pa słovach Sańnikava ŭ Domie ŭrada abaviazkova musiŭ być niejki dziažurny čynoŭnik. Paśla ŭžo jahonaja sprava pieradavać Sidorskamu, ci prymać rašeńnie samomu.
Sańnikaŭ zadaje Hruździłoviču pytańnie
11:20
Praciahvajecca dopyt Aleha Hruździłoviča. Kali astatnich śviedak buduć dapytvać u takim ža tempie, to ŭsio moža zaciahnucca vielmi nadoŭha.
10:41
Hruździłovič raskazvaje, jak bačyŭ, kali śpiecnazaŭcy «podła, zzadu bili mitynhoŭcam». Dastavałasia navat starym, ale najbolš žorstka bili maładych. «Kułakom u tvar».
10:34
«U mianie ŭražańnie było, što pieršapačatkova škło bili nie mitynhoŭcy, a ŭžo potym pryjšli i ŭdzielniki demanstracyi», — kaža Hruździłovič. Nijakaj armatury, ledarubaŭ, kanistraŭ jon nie bačyŭ.
10:25
Pa słovach Aleha na Kastryčnickaj płoščy ludziej było tak mnoha, što im nie było kudy tam dziecca, tamu ludzi rušyli ŭbok płoščy Niezaležnaści. Hruździłovič nie bačyŭ nijakich parušeńniaŭ zakanadaŭstva.
Potym Aleh raskazvaŭ pra bićcio škła. «Jašče mitynh nie pačaŭsia, a škło ŭžo było pabitym».
10:17
Pačynajecca dopyt žurnalista Radyjo «Svaboda» Aleha Hruździłoviča. Havoryć
Hruździłovič byŭ na Płoščy pa prafiesijnychabaviazkach. Havoryć, što akcyja była absalutna mirnaj. Hruździłovič čuŭ zakliki, što vybary falšyvyja, treba patrabavać novych.
10:08
Zaraz advakatka Kavaleŭskaja robić chadajnictva ab dopycie śviedak z boku abarony. Usiaho dzieviatnaccać čałaviek. Siarod ich žurnalist Aleh Hruździłovič, pravaabaroncy Aleś Bialacki i Uładź Łabkovič.
10:07
U zali suda prysutničaje tryccać nieviadomych maładzionaŭ. Praŭda, jany nie pryznajucca, ź jakoj navučalnaj ustanovy pryjšli. «Nam prosta cikava», — kažuć jany. Doŭhi čas u zału suda nie mahła trapić mama Fiodara Mirzajanava.
U sudzie znachodzicca časovy pavierany ZŠA Majkł Skenłan, pradstaŭniki ABSIE, niamieckaha pasolstva, Uładzimir i Lucyjana Chalipy.
***
Praciahvajecca sudovaje raźbiralnictva pa kryminalnaj spravie, pa jakoj prachodziaćeks-kandydat u prezidenty Andrej Sańnikaŭ, a taksama, a taksama aktyvistami apazicyi Illom Vasilevičam, Uładzimiram Jaromienkam, Fiodaram Mirzajanavym i Aleham Hniedčykam.
Sańnikava abvinavačvajuć u padrychtoŭcy masavych biesparadkaŭ, a astatnich va ŭdziele ŭ biesparadkach.
U pieršy dzień byli dapytanyja abvinavačanyja. Tolki Jaromienak pryznaŭ svaju vinu, a Hniedčyk — častkova. Sańnikaŭ nie pryznaŭ. Vasilevič i Mirzajanaŭ zajavili pra psichałahičny cisk na ich.
U čaćvier byli zasłuchanyja śviedčańni paciarpiełych. Bajec Łuščyk pryznaŭsia, što atrymaŭ 19 śniežnia traŭmu jahadzicy, paśla čaho čatyry dni adlažaŭ u špitali.
Dvaccać adzin paciarpieły na sud nie źjaviŭsia, bo znachodziacca ŭ adpačynku, ci na lačeńni. Čatyroch paciarpiełych vyrašany vyklikać paŭtorna.
Što zapisana aficyjnaj pryčynaj śmierci adzinaha syna Jarmošynaj?9
Kamientary