Biełaruś — Słavienija — 7:1.
Chakiejnaja zbornaja Biełarusi (hałoŭny trenier — Eduard Zankaviec) na čempijanacie śvietu, što prachodzić u Słavakii, razhramiła ŭ vyrašalnym matčy zbornuju Słavienii ź likam 7:1 (2:0, 3:1, 2:0) i zachavała sabie prapisku ŭ elitnym dyvizijonie.
Šajby ŭ matčy: 1:0 — Dziamahin, 6.02. 2:0 — A.Kaścicyn, 7.23. 3:0 — Ściapanaŭ, 28.21. 3:1 — Sabolik, 31.51. 4:1 — Michaloŭ, 35.52. 5:1 — A.Kaścicyn, 37.13. 6:1 — Michaloŭ, 55.07. 7:1 — Michaloŭ, 56.13.
Nahadajem, što paśla troch parazaŭ na papiarednim etapie (Kanada, 1:4, Šviejcaryja, 1:4, Francyja 1:2 OT), zbornaja Biełarusi zmahałasia za prava zastacca ŭ elicie ŭ turniry na vyžyvańnie.
U pieršym matčy 5 maja biełarusy vyjhrali ŭ Aŭstryi 7:2, a ŭ druhim 7 maja prajhrali Łatvii — 3:6.
U elicie suśvietnaha chakieja zastajecca taksama zbornaja Łatvii, što pieramahła siońnia Aŭstryju 4:1.
Adpaviedna Aŭstryja i Słavienija pakidajuć dyvizijon «A», na źmienu im prychodziać Italija i Kazachstan.
Stanovišča kamandaŭ: 1. (13-je miesca) Łatvija -- 6 bałaŭ, 2 (14). Biełaruś -- 6, 3 (15). Aŭstryja -- 3. 4 (16). Słavienija - 3.
Takim čynam na čempijanacie śvietu zbornaja Biełarusi zaniała 14-je miesca. Letaś jana była 10-j.
***
U 2012 i 2013 hadach čempijanaty śviety projduć adrazu ŭ dźviuch krainach: Šviecyi i Finlandyi.
Pryčym ad nastupnaha hoda čempijanaty pačnuć pravodzicca pavodle novaj sistemy.
16 kamandaŭ buduć raźbityja na dźvie hrupy pa vosiem kamandaŭ, što praviaduć pamiž saboj adnahrupavy turnir. Pa čatyry najmacniejšyja zbornyja vychodziać u plej-of.
Kamientary